ကမ္မမြို့ရဲစခန်းမှ ရဲတပ်သား လက်နက်ခဲယမ်းနှင့်အတူ အလင်းဝင်
D Day News
စက်တင်ဘာလ ၁၃
မကွေးတိုင်း၊ ပခုက္ကူမြို့နယ်၊ ကမ္မမြို့ရဲစခန်းမှ ရဲတပ်သား ၁ ဦးလက်နက်ခဲယမ်းနှင့်အတူ အလင်းဝင် ရောက်ခဲ့ကြောင်း People`s Defence Force – Kamma ထံမှ သိရသည်။
ယမန်နေ့ စက်တင်ဘာလ ၁၂ ရက်နေ့က ပခုက္ကူမြို့နယ်၊ ကမ္မမြို့ ရဲစခန်း၌ တာဝန်ကျနေသော အ ကြမ်းဖက်စစ်တပ် လက်အောက်ခံ ရဲတပ်သား ၁ ဦးသည် အူစီ သေနတ် ၁ လက်၊ ကျည်ဘောက် ၃ ဘောက်၊ ၉ မမ ကျည် ၁၃၁ တောင့်နှင့် G3 ကျည်ဘောက် ၄ ဘောက်၊ G3 ကျည် ၃၇ တောင့်တို့ကို ယူဆောင်ကာ အလင်းဝင်ခဲ့ခြင်းဖြစ်ကြောင်း သိရသည်။
ထိုသို့ လက်နက်ခဲယမ်းများနှင့်အတူ အလင်းဝင်ခဲ့သည့် ရဲတပ်သားကို People`s Defence Force – Kamma တပ်ဖွဲ့က ကောင်းမွန်စွာ လက်ခံကြိုဆိုခဲ့ပြီး ထပ်မံရုန်းထွက်လာမည့် အကြမ်းဖက်စစ် ကောင်စီ လက်အောက်ခံတပ်သားများကိုလည်း လှိုက်လှဲစွာကြိုဆိုလျက်ရှိကြောင်း ထုတ်ပြန်ထားသည်။
D Day News
မှတ်ချက်များ ပေးခဲ့နိုင်ပါတယ်...
