သံလွင်မြန်မာသတင်း
စက်တင်ဘာလ ၁၅
မကွေးတိုင်း၊ ငဖဲမြို့နယ်၊ နတ်ရေကန်လေကြောင်းရန် ကာကွယ်ရေးစခန်းသို့ ပို့ဆောင်ခြင်းခံခဲ့ရသည့် စစ်မှုထမ်း စစ်သား ၅ ဦး အလင်းဝင်ခဲ့ကြောင်း မင်းဘူးခရိုင်အမှတ် ၂ တပ်ရင်း က ထုတ်ပြန်သည်။
စက်တင်ဘာလ ၉ ရက်နေ့ ည ၁၀ နာရီ ၃၀ မိနစ်အချိန် မကွေးတိုင်း၊ ငဖဲမြို့နယ်၊ နတ်ရေကန်တောင် ဗျူဟာစစ်စခန်းမှ စစ်မှုထမ်း တပ်သားသစ် ၅ ဦးတို့သည် သေနတ် ၁ လက်၊ လက်နက်ခဲယမ်းများ၊ စစ်ဝတ်စုံများနှင့်အတူ ထွက်ပြေးလွတ်မြောက်လာပြီး ပြည်သူ့ကာကွယ်ရေးတပ်ဖွဲ့များ အလင်းဝင်ခဲ့ ကြောင်း သိရသည်။
အဆိုပါ စစ်မှုထမ်းတပ်သား ၅ ဦးမှာ စကခ ၁၇ လက်အောက်ခံ၊ ခြေမြန်တပ်ရင်း ခမရ ၅၂၀ တပ် ရင်းမှ ဖြစ်ပြီး ရှမ်းပြည် မိုင်းပန်ဘက်မှ မကွေးတိုင်း၊ ငဖဲမြို့နယ်သို့ ပို့ဆောင်ခံရခြင်းဖြစ်ကြောင်း သိရသည်။
အလင်းဝင်လာသော တပ်သားသစ် ၅ ဦးမှာ တပ်သားဉာဏ်မြင့်မြတ်၊ တပ်သားအောင်အောင်၊ တပ် သား အောင်ခိုင်၊ တပ်သား ဖြိုးကိုကို၊ တပ်သား ဇော်ထွေး တို့ဖြစ်ပြီး စစ်မှုထမ်းအပတ်စဉ် ၉ အပတ် စဉ် ၁၁ နှင့် အပတ်စဉ် ၁၃ တို့မှ သင်တန်းဆင်း တပ်သားများဖြစ်ကြောင်း သိရသည်။
ထို့သို့ အလင်းဝင်ရောက်လာသည့် စစ်မှုထမ်းစစ်သားများကို မင်းဘူးခရိုင် ၊ အမှတ်၂ တပ်ရင်းမှ စစ်ဘက်ဆိုင်ရာ လုပ်ထုံး လုပ်နည်းများနှင့်အညီ စိစစ်လက်ခံပြီး ဂုဏ်ပြုဆုငွေ ချီးမြှင့်ခဲ့ပေးခဲ့ ကြောင်း သိရသည်။
လက်နက်ချ၍ ပြည်သူနှင့် ပူးပေါင်းလိုသော စစ်ကောင်စီတပ်သားများကို မင်းဘူး ခရိုင်၊ အမှတ်၂ တပ်ရင်းမှ လက်ခံကြိုဆိုလျက်ရှိကာ လူ့အခွင့်အရေး အပြည့်အဝရရှိစေပြီး လက်နက်ဖြင့် အလင်း ဝင်လာသူများကို ဆုငွေများ ချီးမြှင့်ပေးသွားမည်ဖြစ်ကြောင်း အသိပေးထားသည်။
Thanlwin Myanmar Media
