စစ်ကိုင်းတံတားပေါ်တွင် ပေါ်တာဆွဲခံရသော စစ်မှုထမ်းတပ်သား ၁ ဦး လက်နက်ဖြင့် အလင်းဝင်
သံလွင်မြန်မာသတင်း
မတ်လ ၇
စစ်ကိုင်းတိုင်း၊ စစ်ကိုင်းမြို့နယ်၊ စစ်ကိုင်းတံတားပေါ်တွင် ပေါ်တာဆွဲခံရသော စစ်မှုထမ်း တပ်သား ၁ ဦး သည် လက်နက်ခဲယမ်းများဖြင့်အလင်းဝင်ခဲ့ကြောင်း ရေစကြိုမြို့နယ်ပြည်သူ့ကာကွယ်ရေးအဖွဲ့ ထံမှ သိရသည်။
မတ်လ ၅ ရက် ည ၉ နာရီက ရေစကြိုမြို့နယ် ၊ ခလရ ၂၅၈ တွင် တာဝန်ကျနေသော အသက် ၂၃ နှစ် အရွယ် စစ်မှုထမ်း တသ ရဲရင့်အောင်သည် MA1 အမျိုးအစား သေနတ် ၁ လက်နှင့်အတူ ပြည်သူ့ကာ ကွယ်ရေးတပ်ဖွဲ့ -ရေစကြိုမြို့နယ် (ပ.က.ဖ) ထံ ဆက်သွယ်၍ အလင်းဝင်ရောက်လာခဲ့သဖြင့် နွေး ထွေးစွာကြိုဆိုပြီး ကောင်းမွန်စွာ ကူညီစောင့် ရှောက်ပေးခဲ့ကြောင်း သိရသည်။
အလင်းဝင်ရောက်ခဲ့သူ ရဲရင့်အောင်သည် ၂၀၂၄ ခုနှစ် နိုဝင်ဘာလတွင် စစ်ကိုင်းတံတားပေါ်၌ အ ကြမ်းဖက်စစ်ကောင်စီ၏ ပေါ်တာဆွဲ ဖမ်းဆီးခံရကာ တပ်သားသစ်အဖြစ် စုစုဆောင်းခံရပြီး ရေစ ကြိုမြို့အခြေစိုက် ခလရ ၂၅၈ တပ်ရင်သို့ ပို့ဆောင်ခံရသူဖြစ်ကြောင်း သိရသည်။
အကြမ်းဖက်စစ်ကောင်စီ လက်အောက်၌ တာဝန်ထမ်းဆောင်နေကြရသော စစ်သား၊ ရဲ၊ ပျူ၊ စစ်မှု ထမ်း တပ်သားများ အနေဖြင့် ပြည်သူ့ရင်ခွင်ထံသို့ အမြန်ဆုံးဝင်ရောက်ခိုလှုံလိုပါက 09988895428 သို့ ယုံကြည်စွာဆက်သွယ်နိုင်ကြောင်း အသိပေးထားသည်။
Thanlwin Myanmar Media
