နတ်တလင်းမြို့နယ်၊ တောင်ညိုရဲစခန်းမှ ဆိုင်ကယ်ဖြင့်ကင်းပတ်ထွက်လာသော ရဲများကို မိုင်းဆွဲ တိုက်ခိုက်မှု ရဲ ၁ ဦးသေဆုံး
D Day News
စက်တင်ဘာလ ၁၆
ပဲခူးတိုင်း၊ နတ်တလင်းမြို့နယ်၊ တောင်ညိုရဲစခန်းမှ ဆိုင်ကယ်ဖြင့် ကင်းပတ်ထွက်လာသော ရဲများကို မိုင်းဆွဲတိုက်ခိုက်ခဲ့ရာ ရဲ ၁ ဦးသေဆုံးပြီး ၂ ဦးအပြင်းအထန် ဒဏ်ရာရရှိခဲ့ကြောင်း နတ်တလင်း ပြည် သူ့ကာကွယ်ရေးတပ်ဖွဲ့ – Phoenix-D-F ထံမှ သိရသည်။
စက်တင်ဘာလ ၁၄ ရက် နံနက် ၇ နာရီ ၁၀ မိနစ်အချိန်က နတ်တလင်းမြို့နယ်၊ တောင်ညိုကွက်သစ် ရဲစခန်းမှ ကင်းပတ်ရန်ထွက်လာ သော ဒုရဲအုပ်ဖြိုးဝလင်းနှင့်အခြားအဆင့် ရခ (၈) ဦး ဆိုင်ကယ် (၅) စီး စုစုပေါင်း (၉) ဦးကို အောင်ရတနာရပ်ကွက်တွင်း အရောက် အသင့်စောင့်ဆိုင်းပြီး မိုင်းဆွဲတိုက် ခိုက်ခဲ့ရာ ရခ ၃ ဦးအပြင်းအထန်ဒဏ်ရာရရှိခဲ့ပြီး ၁ ဦးသေဆုံးကာ ၂ ဦးမှာ ပြည်ဆေးရုံတွင် ခွဲစိတ် ကုသမှုခံယူနေရကြောင်း သိရသည်။
Photo – ပုံဟောင်း
အဆိုပါ မိုင်းဆွဲတိုက်ခိုက်မှုကို သာယာဝတီ ခရိုင် တပ်ရင်း -၃၈၀၁ ၊ တပ်ခွဲ ၂ – နတ်တလင်းမြို့နယ် ပြည်သူ့ကာကွယ်ရေးတပ်ဖွဲ့ – Phoenix-D-F ရဲဘော်များက လုပ်ဆောင်ခဲ့ခြင်းဖြစ်ကြောင်း သိရ သည်။
ထိုသို့ မိုင်းဆွဲ တိုက်ခိုက်မှုအပြီးတွင် အကြမ်းဖက်စစ်သား၊ ရဲ နှင့် ပျူ အင်အား ၁၀ဝ သည့် ရပ်ကွက် အတွင်းဝင်ရောက်လာပြီး အပြစ်မဲ့ ပြည်သူ ၆ ဦးကို အကြောင်းမဲ့ဖမ်းဆီးသွားကြောင်း၊ ယခုအခါ ပြည်သူ ၃ ဦးကို ပြန်လွှတ်ပေးလိုက်ပြီဖြစ်သော်လည်း ကျန် ၃ ဦးကို ပြန်လွှတ်ပေးခြင်းမရှိသေး ကြောင်း သိရသည်။
ပဲခူးတိုင်း သာယာဝတီခရိုင် အမှတ်(၁) တပ်ရင်း-၃၈ဝ၁ တပ်ခွဲ ၂ – Phoenix D Fအနေဖြင့် စစ်အာ ဏာရှင် စနစ်အပြီး တိုင်ချုပ်ငြိမ်းရေးနှင့်ဖက်ဒရယ်ဒီမိုကရေစီနိုင်ငံတော်သစ်ပေါ်ထွန်းလာသည် အထိ ရည်ရွယ်ကာ အကြမ်းဖက်စစ်အာဏာရှင်စစ်တပ်နှင့် လက်ပါးစေ ဒေါက်တိုင်မှန်သမျှကို ဆက်လက် တိုက်ခိုက် ချေမှုန်းသွားမည်ဖြစ်ကြောင်း အသိပေး ထုတ်ပြန်ထားသည်။
D Day News
