သံလွင်မြန်မာသတင်း
စက်တင်ဘာလ ၅
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်၊ ပဲခူးရိုးမပေါ်သို့ ဆိုင်ကယ်များဖြင့် တက်လာသော ပျူအ ဖွဲ့ကို တိုက်ခိုက်ခဲ့ရာ ၁ ဦးသေဆုံးပြီး ဆိုင်ကယ် ၁ စီးသိမ်းဆည်းရရှိခဲ့ကြောင်း မြေအောက်ပြောက် ကျားတပ်ဖွဲ့ -အုတ်ဖိုက ထုတ်ပြန်သည်။
စက်တင်ဘာလ ၃ ရက် မွန်းလွဲ ၂ နာရီ ၃၀ မိနစ်က အုတ်ဖိုမြိုနယ်အပိုင် ပဲခူးရိုးမပေါ်သို့ အကြမ်းဖက် စစ်တပ်က စစ်ကြောင်းထိုးရန် ရှေ့ပြေးတက်လာသော အေးမြသာယာမြို့ ပျူခေါင်းဆောင် ဝန ဦး ဆောင်သည့် ဆိုင်ကယ် ၅ စီးပါ ယာဥ်တန်းကို စဥ့်ကူးချောင်းဂေါင်းဆည် တာဘောင်ပေါ် အရောက် တော်လှန်ရေးတပ်ဖွဲ့ဝင်များက အသင့်စောင့်ကြိုပစ်ခတ်တိုက်ခိုက်ခဲ့ကြောင်း သိရသည်။
ထိုသို့ တိုက်ခိုက်မှုကြောင့် အပြန်အလှန် ပစ်ခတ်တိုက်ပွဲဖြစ်ခဲ့ပြီး ပျူ ကျော်ဝင်းစိန် နေရာမှာတင် ပွဲချင်းပြီး သေဆုံးကာ ကျန်ပျူစောထီးများ ဖရိုဖရဲ ထွက်ပြေးသွားကြကြောင်း၊ ပျူစီးနင်းလာသည့် ဆိုင်ကယ် ၁ စီးအား သိမ်းဆည်းရရှိခဲ့ကြောင်း သိရသည်။
အဆိုပါ တိုက်ခိုက်မှုကို သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျားတပ်ဖွဲ့-အုတ်ဖို ၏ ရဲဘော်များက တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက် မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
ပြည်သူများနှင့် တော်လှန်ရေးတပ်ဖွဲ့များကို ဒုက္ခပေးနေကြသည့် စစ်ကောင်စီတပ်သားများကို သာမက စစ်ကောင်စီ ထောက်တိုင်များကိုပါ တိုက်ခိုက်သွားမည်ဖြစ်၍ မိဘပြည်သူများအနေဖြင့် ၄င်းတို့အနီး သွားလာနေထိုင်ခြင်းများ မပြုလုပ်ကြရန် အသိပေးထားသည်။
Thanlwin Myanmar Media
