ပဲခူးရိုးမ၊ ဆွာဆည်ရှင်းလင်းဆောင်၌ တပ်စွဲထားသော စစ်သားများကို တိုက်ခိုက်မှု ဗိုလ်ကြီး အဆင့်ရှိ သူအပါအဝင် ၆ ဦးသေဆုံးပြီး လက်နက်ခဲယမ်းများ သိမ်းဆည်းရရှိ
သံလွင်မြန်မာသတင်း
ဩဂုတ်လ ၂
ပဲခူးတိုင်း၊ တောင်ငူခရိုင်၊ ရေတာရှည်မြို့နယ်၊ ဆွာဆည်ရှင်းလင်းဆောင်၌ အထိုင်ချတပ်စွဲထားသော စစ်ကောင်စီ တပ်သားများကို တိုက်ခိုက်ရှင်းလင်းခဲ့ရာ ဗိုလ်ကြီးအဆင့်ရှိသူအပါအဝင် ၆ ဦး သေဆုံး ပြီး လက် နက်ခဲယမ်းများ သိမ်းဆည်းရရှိခဲ့ကြောင်း
ဇူလိုင်လ ၃၀ ရက်နေ့က ရေတာရှည်မြို့နယ်၊ ပဲခူးရိုးမအတွင်းရှိ ဆွာဆည်ရှင်းလင်း ဆောင်၌ အထိုင် ချ တပ်စွဲထားသောအကြမ်းဖက်စစ်ကောင်စီတပ်ကို ပြည်သူ့ကာကွယ်ရေးပူးပေါင်းတပ်ဖွဲ့မှဝင်ရောက် တိုက်ခိုက်ခဲ့ရာ ဗိုလ်ကြီးအဆင့်ရှိသူ အပါအဝင် ၆ ဦးသေဆုံးပြီး လက်နက်ငယ် ၆ လက်၊ လက်နက် ငယ် ကျည်ဆံများ နှင့် စစ်သုံးပစ္စည်းများ သိမ်းဆည်းရရှိခဲ့ကြောင်း သိရသည်။
စခန်းသိမ်းပိုက်ရရှိပြီးနောက် လက်နက်ခဲယမ်းအသုံးအဆောင် ပစ္စည်းများ သိမ်းဆည်းကာ စစ်သား များနေထိုင်သည့် အဆောင်ကို ရှင်းလင်း ဖျက်ဆီးလိုက်ကြောင်း သိရသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးတပ်မတော်၊ အမှတ် ၂ စစ်ဆင်ရေးနယ်မြေ၊ ပဲခူးတိုင်း စစ် ဌာန၊ ဗျူဟာ ၂၁ ၊ အမှတ် ၃၅၀၁ တပ်ရင်း နှင့်အတူ မဟာမိတ် တော်လှန်ရေးတပ်ဖွဲ့ PIO/PIA တပ်ဖွဲ့၊ ACDF (Asho Chin Defense Force) တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
