ရန်ကုန် -မန္တလေးလမ်းဟောင်းပေါ်ရှိ ဆားဂွန်းဂိတ်စစ်တပ်အထိုင်စခန်းကို တိုက်ခိုက်မှု စစ်သား ၂ ဦး သေဆုံး
သံလွင်မြန်မာသတင်း
ဇူလိုင်လ ၃၀
ပဲခူးတိုင်း၊ တောင်ငူခရိုင်၊ ဖြူးမြို့နယ်၊ ရန်ကုန် -မန္တလေးလမ်းဟောင်းပေါ်ရှိ ဆားဂွန်းဂိတ် စစ်တပ် အထိုင်စခန်းကို ဝင်ရောက်တိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း Phyu Township People’s Defense Organization က ထုတ်ပြန်သည်။
ဇူလိုင်လ ၂၆ ရက် နံနက်အစောပိုင်း ၁၂ နာရီ ၂၅ မိနစ်က ဖြူးမြို့နယ်၊ရန်ကုန်-မန္တလေး လမ်းဟောင်း ပေါ်ရှိ ဆားဂွန်းဂိတ် စစ်ကောင်စီ အထိုင်စခန်းကို ဖြူးမြို့နယ် ပကဖ တိုက်ခိုက်ရေး အဖွဲ့မှ ရဲဘော် များက ဝင်ရောက် စီးနင်းတိုက်ခိုက်ခဲ့ကြောင်း သိရသည်
ထိုသို့ တိုက်ခိုက်မှုသည် နံနက် အစောပိုင်း ၁ နာရီ အထိ ၃၅ မိနစ်အကြာ အပြန်အလှန် ပစ်ခတ် တိုက်ပွဲဖြစ်ခဲ့ပြီး စစ်ကောင်စီတပ်သား ၂ ဦး သေဆုံးကာ ၄ ဦး အပြင်းအထန် ဒဏ်ရာရရှိခဲ့ကြောင်း၊ သိရသည်။
ယင်းတိုက်ပွဲအတွင်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ပြီး အကြမ်းဖက်စစ်ကောင်စီ မျိုးပြုတ်၍ တော်လှန်ရေး အောင်မြင်သည်အထိ ဆက်လက်တိုက်ပွဲဝင် သွားမည် ဖြစ်ကြောင်း ဖြူးမြို့နယ် ပကဖ – Phyu Township People’s Defense Organization က ထုတ်ပြန်ထားသည်။
Thanlwin Myanmar Media
