ညောင်လေးပင်မြို့နယ်၊ ရေဖြူကန်ကျေးရွာအနီး၌ အထိုင်ချထားသော စစ်တပ်စခန်းကို ဒရုန်းဖြင့် ဗုံးကြဲ တိုက်ခိုက်မှု စစ်သား ၂ ဦးသေဆုံး
သံလွင်မြန်မာသတင်း
ဇွန်လ ၂၈
ပဲခူးတိုင်း၊ ညောင်လေးပင်မြို့နယ်၊ ရေဖြူကန်ကျေးရွာအနီး၌ အထိုင်ချထားသော စစ်တပ်စခန်းကို ဒရုန်းဖြင့် ဗုံးကြဲတိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း တောကျီးကန်း ၇ ကောင်တပ်ရင်းက ထုတ်ပြန်သည်။
ဇွန်လ ၂၅ ရက်နေ့က ညောင်လေးပင်မြို့နယ်၊ ရေဖြူကန် ကျေးရွာမြောက်ဘက်ရှိ ဒိုးတန်းကုန်းတွင် အထိုင်ချ တပ်စွဲထားသော စစ်ကောင်စီတပ်စခန်းကို ဒရုန်းဖြင့် 2.5 kg ဒရုန်း ဗုံးသီး ၃ လုံးကြဲချတိုက် ခိုက်ခဲ့ရာ စစ်သား ၂ ဦးသေဆုံးပြီး စစ်သား ၁ ဦး ယာခြေထောက်ပြတ် ဒဏ်ရာနှင့် ကျန်တစ်ဦးမှာ အပြင်းအထန် ဒဏ်ရာရရှိခဲ့ကြောင်း သိရသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးတပ်မတော် ဗျူဟာ ၂၆ လက်အောက်ခံတပ်ရင်း များ ဖြစ်သည့် တော်ဝင်ဒေါင်းတပ်ရင်းနှင့် တောကျီးကန်း ၇ ကောင်တပ်ရင်းတို့ ပူးတွဲဖော်ဆောင်သည့် “ကျော်စွာစစ်ဆင်ရေး” နှင့် တစ်ပြိုင်နက် တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
