ညောင်လေးပင်မြို့နယ်၊ ရေဖြူကံကျေးရွာ၌ အထိုင်ချထားသော စစ်သားများကို ဒရုန်းဖြင့် ဗုံးကျဲ တိုက်ခိုက်မှု စစ်သား ၄ ဦးသေဆုံး
သံလွင်မြန်မာသတင်း
ဇွန်လ ၂၄
ပဲခူးတိုင်း၊ ညောင်လေးပင်မြို့နယ်၊ ရေဖြူကံကျေးရွာ၌ အထိုင်ချတပ်စွဲထားသော စစ်သားများကို ဒရုန်းဖြင့် ဗုံးကျဲတိုက်ခိုက်ခဲ့ရာ စစ်သား ၄ ဦးသေဆုံးခဲ့ကြောင်း တောကျီး ၇ ကောင်တပ်ရင်းထံမှ သိရသည်။
ဇွန်လ ၂၀ ရက် ည ၈ နာရီ ၃၀ မိနစ်က ညောင်လေးပင်မြို့နယ်၊ ရေဖြူကံကျေးရွာအတွင်း အထိုင်ချတပ်စွဲထားသော စစ်ကောင်စီတပ်သားများကို တော်လှန်ရေးတပ်ဖွဲ့ဝင်များက ဒရုန်းဖြင့် ၆၀ မမ ဗုံး သီး ၂ ကြဲတိုက် ခိုက်ခဲ့ရာ စစ်ကောင်စီတပ်သားများ နေထိုင်ရာ အဆောက်အအုံပေါ်သို့ ကျရောက် ပေါက်ကွဲခဲ့ပြီး စစ်သား ၄ ဦးသေဆုံးခဲ့ကြောင်း သိရသည်။
အဆိုပါ တိုက်ခိုက်မှုကို တောကျီးကန်း ၇ ကောင်တပ်ရင်း (Drone) တပ်ဖွဲ့မှ လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
မှတ်ချက်များ ပေးခဲ့နိုင်ပါတယ်...
