ကျောက်ကြီးမြို့နယ်၊ အုန်းပင်စုရွာ၌ တပ်စွဲထားသော စစ်တပ်စခန်းကို သိမ်းပိုက်ရရှိ၊ စစ်သား ၈ ဦး သေဆုံးပြီး လက်နက်ခဲယမ်းများ သိမ်းဆည်းရရှိ
သံလွင်မြန်မာသတင်း
ဇွန်လ ၁၅
ပဲခူးတိုင်း၊ ကျောက်ကြီးမြို့နယ်၊ အုန်းပင်စုရွာတွင် တပ်စွဲထားသော စစ်တပ်စခန်းကို တိုက်ခိုက်သိမ်း ပိုက်ခဲ့ရာ စစ်သား ၈ ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့ကြောင်း အထူးကွန်မန်ဒို တပ်ရင်း – P29984 ထံမှ သိရသည်။
ဇွန်လ ၆ ရက် နံနက် ၂ နာရီတွင် ကျောက်ကြီးမြို့နယ် ၊ အုန်းပင်စုရွာ၌ အင်အား ၃၀ ခန့်ဖြင့် အထိုင်ချ တပ်စွဲထားသော စစ်တပ်စခန်းကို သိမ်းပိုက်ရန်အတွက် တော်လှန်ရေးပူးပေါင်းတပ်ဖွဲ့များက ရွာအ တွင်းသို့ ဝင်ရောက်ခဲ့ကာ နံနက် ၂ နာရီ ၃၀ မိနစ်မှ စ၍ နှစ်ဖက်အပြန်အလှန် ပစ်ခတ်တိုက်ပွဲစတင် ဖြစ်ခဲ့ကြောင်း သိရသည်။
ထိုသို့ တိုက်ပွဲဖြစ်ပြီး မိနစ် ၄၀ ခန့်ကြာမြင့်ချိန် ၃ နာရီ ၁၀ မိနစ်တွင် ကျေးရွာကို ထိန်းချုပ်နိုင်ခဲ့ပြီး စစ်သား အလောင်း ၈ လောင်းမျက်မြင်တွေ့ရှိကာ အများအပြားဒဏ်ရာရရှိ၍ ထွက်ပြေးသွား ကြောင်း၊ ယင်းတိုက်ပွဲအတွင်း နတ်သံကွင်းမြို့၊ ကျောက်ကြီးမြို့တို့ ရှိ စစ်ကောင်စီစခန်းများမှ လက် နက်ကြီးများဖြင့်ပစ်ကူပေးခဲ့ကြောင်း သိရသည်။
ယင်းအကြမ်းဖက်စစ်တပ်စခန်းအတွင်းမှ RPG 7 အမျိုးအစားသေနတ် ၁ လက်၊ MA11 အမျိုးအစား သေနတ် ၁ လက်၊ G3 ကျည် – ၅၈၀ တောင့်၊ ၄၀ မမ ဗုံးသီး ၁၀ လုံး၊ RPG ပို့ယမ်း – ၁၁ ခု၊ RPG အ သီး – ၉ လုံး၊ MA ခွင်းဗုံး – ၇ လုံး၊ လက်ပစ်ဗုံး – ၅ လုံး၊ ၁၄ မိုင်း – ၇ လုံး၊ ရှေ့ထွက်မိုင်း – ၃ လုံး၊ MA ကျည်ဘောက် ၃ ဘောက်၊ မိုင်းရှာစက် – ၁ လုံးနှင့် စစ်အသုံးဆောင်ပစ္စည်းများသိမ်းဆည်းရရှိခဲ့ ကြောင်း သိရသည်။
အဆိုပါ တိုက်ခိုက်မှုကို အထူးကွန်မန်ဒိုတပ်ရင်း မဟာမိတ်တပ်ဖွဲ့များ ပူးပေါင်းကာ တိုက်ခိုက်ခဲ့ခြင်း ဖြစ်ပြီး အထူးကွန်မန်ဒိုတပ်ရင်းမှ ရဲဘော် ၁ ဦး၊ ပူးပေါင်းအဖွဲ့မှ ၃ ဦး စုစုပေါင်း ၄ ဦး ထိခိုက်ဒဏ်ရာ (မစိုးရိမ်ရ) ရရှိခဲ့ကြောင်း သိရသည်။
Thanlwin Myanmar Media
