ကျောက်ကြီးမြို့နယ်၊ ရွာကြီးအင်းရွာထိပ်၌ တပ်စွဲထားသော ဂိတ်စခန်းကို တိုက်ခိုက်သိမ်းပိုက်မှု စစ်သား ၃ ဦးသေဆုံး
သံလွင်မြန်မာသတင်း
ဇွန်လ ၁၀
ပဲခူးတိုင်း ၊ ကျောက်ကြီးမြို့နယ်၊ ရွာကြီးအင်းရွာထိပ်၌ တပ်စွဲထားသော ဂိတ်စခန်းကို တိုက်ခိုက် သိမ်းပိုက်ခဲ့ရာ စစ်သား ၃ ဦးသေဆုံးခဲ့ကြောင်း Falcons Guerilla Force တပ်ဖွဲ့ထံမှ သိရသည်။
ဇွန်လ ၁၀ ရက် နံနက် ၈ နာရီက ကျောက်ကြီးမြို့နယ်၊ ရွာကြီးအင်းရွာထိပ်၌ တပ်ဆွဲထားသော အကြမ်းဖက်စစ်တပ် ဂိတ်စခန်းကို တော်လှန်ရေးပူးပေါင်းတပ်ဖွဲ့များက တိုက်ခိုက်ခဲ့ရာ အပြန်အလှန် ပစ်ခတ်တိုက်ပွဲ မိနစ် ၂၀ ခန့်ကြာမြင့်ခဲ့ပြီး စစ်သားများ ဒဏ်ရာအများအပြားရရှိကာ ထွက်ပြေးသွား ကြောင်း သိရသည်။
ထိုသို့ စစ်ကောင်စီတပ်သားများ စခန်းစွန့်ခွာသွားပြီးနောက် စခန်းရှင်းလင်းစဉ် စစ်သား အလောင်း ၃ လောင်း၊ MA1 အမျိုးအစားသေနတ် ၁ လက်၊ ခဲယမ်းများနှင့် စစ်အသုံးအဆောင် ပစ္စည်းများ သိမ်း ဆည်းရရှိခဲ့ကြောင်း သိရသည်။
အဆိုပါတိုက်ခိုက်မှုကို Falcons Guerilla Force – စွန်ရဲ တပ်ဖွဲ့နှင့် KNLA တပ်ရင်း ၈ တို့ ပူးပေါင်း ကာ တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း သိရသည်။
Thanlwin Myanmar Media
