ကျောက်ကြီးမြို့၊ တောင်စုရွာကို ဝင်ရောက်လာသည့် စစ်တပ်စစ်ကြောင်းကိုတိုက်ခိုက်မှု စစ်သား ၁၀ ဦး သေဆုံးပြီး ၇ ဦး အရှင်ဖမ်းမိကာ လက်နက်ခဲယမ်းများ သိမ်းဆည်းရရှိ
သံလွင်မြန်မာသတင်း
မေလ ၂၈
ပဲခူးတိုင်း၊ ကျောက်ကြီးမြို့၊ တောင်စုရွာကို ဝင်ရောက်လာသည့် စစ်တပ်စစ်ကြောင်းကို တိုက်ခိုက်ခဲ့ ရာ စစ်သား ၁၀ ဦးသေဆုံးပြီး ၇ ဦးအရှင် ဖမ်းမိကာ လက်နက်ခဲယမ်းများ သိမ်းဆည်းရရှိခဲ့ကြောင်း Falcons Guerilla Force ထံမှ သိရသည်။
မေလ ၁၉ ရက်နေ့တွင် ကျောက်ကြီးမြို့ အနီး တောင်စုကျေးရွာအတွင်းသို့ ဝင်ရောက်လာသော အ ကြမ်းဖက်စစ်တပ် စစ်ကြောင်းကို တော်လှန်ရေးတပ်ဖွဲ့များက ကြားဖြတ်တိုက်ခိုက်ခဲ့ရာ စစ်သား ၁၀ ဦး သေဆုံးခဲ့ပြီး စစ်ကောင်စီ တပ်သား ၇ ဦးကိုလည်း အရှင်ဖမ်းမိကာ လက်နက်ခဲယမ်းများလည်း သိမ်းဆည်းရရှိခဲ့ကြောင်း သိရသည်။
“အင်အားက ၂၀၀ ဝင်းကျင်နဲ့ စစ်ကြောင်းထိုးလာတာပါ၊ မိုးမကျခင် နေရာအထိုင်ချဖို့ PDF တွေ သိမ်ပိုက်ထားတဲ့ နေရာတွေကို ပြန်လိုချင်နေတာဖြစ်မယ်။ ပြည်သူတွေအနေနဲ့ သတိရှိနေကြဖို့ပြော ချင်ပါတယ်”ဟု Falcons Guerilla Force မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို FALCONS (စွန်ရဲ) တပ်ဖွဲ့ ၊ KLNA တပ်ရင်(၈) တပ်ရင်း(၉) ၊ PDF တို့က ပူး ပေါင်းလုပ်ဆောင်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ ကြောင်း သိရသည်။
တိုက်ပွဲဖြစ်ပွားပြီးနောက် အကြမ်းဖက် စစ်ကောင်စီတပ်သားများ ပြန်လည်ဆုတ်ခွာသွားပြီး တော် လှန်ရေးတပ်ဖွဲ့ဝင်များက တောင်စုကျေးရွာကို ဆက်လက်ထိန်းချုပ်ထားဆဲဖြစ်ကြောင်း သိရသည်။
Thanlwin Myanmar Media
