အုတ်ဖိုမြို့နယ်၊ တစ်အိမ်လျှင် စစ်မှုထမ်းကြေး ၃ သိန်းကျပ်တောင်းခံပြီး မပေးနိုင်သူများကို စစ်တပ် ခေါ်ဖမ်းခိုင်းနေသည့် အုပ်ချုပ်ရေးမှူး သန်းလွင် ပစ်ခတ်ခံရပြီး သေဆုံး
သံလွင်မြန်မာသတင်း
မေလ ၂၂
ပဲခူးတိုင်း၊ သာယာဝတီခရိုင် ၊ အုတ်ဖိုမြို့နယ်၊ တစ်အိမ်လျှင် စစ်မှုထမ်းကြေး ၃ သိန်းကျပ်တောင်းခံ ပြီး မပေးနိုင်သူများကို စစ်တပ် ခေါ်ဖမ်းခိုင်းနေသည့် အုပ်ချုပ်ရေးမှူး သန်းလွင် ပစ်ခတ်ခံရပြီး သေ ဆုံးကြောင်း ကြို့ပင်ကောက် Hero ပြောက်ကျားတပ်ဖွဲ့ထံမှ သိရသည်။
မေလ ၂၀ ရက်နေ့က အုတ်ဖိုမြို့နယ်၊ လွှဇင်အုပ်စု၊ မျောက်ချောကုန်းရွာ အုပ်ချုပ်ရေးမှူး သန်းလွင်ကို သာလိကာနှင့် ဂွေးချောင်းကြီးအနီး ကားလမ်းမပေါ်တွင် သာယာဝတီခရိုင် အမှတ် ၁ တပ်ရင်း ၊ တပ် ခွဲ ၅ ကြို့ပင်ကောက် HERO ပြောက်ကျားတပ်ဖွဲ့မှ ရဲဘော်များက ပစ်ခတ်ရှင်းလင်းခဲ့ရာ နေရာမှာပင် သေဆုံးသွားကြောင်း သိရသည်။
ထို့သို့ ပစ်ခတ်ရှင်းလင်းပြီးနောက် ခြောက်တစ်ကွင်းလမ်းပေါ်သို့ စစ်ကောင်စီတပ်သားများ ရောက်ရှိ လာ သော်လည်း ပြည်သူ့ကာကွယ်ရေးတပ်ဖွဲ့ဝင်များ ဘေးကင်းစွာပြန်လည် ဆုတ်ခွာနိုင်ခဲ့ကြောင်း သိရသည်။
သေဆုံးသွားသော အုပ်ချုပ်ရေးမှူး သန်းလွင်သည် ကျေးရွာနေ ပြည်သူများအပေါ် စစ်မှူထမ်းကြေး ဟုဆိုကာ တစ်အိမ်ထောင်လျှင် ငွေကျပ် ၃ သိန်းပေးရန် တောင်းခံခြင်း၊ မပေးနိုင်သည့် ပြည်သူများကို စစ်တပ်ခေါ်၍ ဖမ်းစီးခိုင်းခြင်း၊ PDF ရဲဘော်များ၏ သတင်းနှင့် ထောက်ပို့များ၏သတင်းကို လိုက်လံ စုံစမ်းကာ စစ်တပ်ပေးပို့ခြင်းတို့ လုပ်ဆောင်နေသူဖြစ်ကြောင်း အသိပေးထားသည်။
သာယာဝတီခရိုင်တပ်ရင်း ၁ ၊ တပ်ခွဲ ၅ ကြို့ပင်ကောက် Hero ပြောက်ကျားတပ်ဖွဲ့အနေဖြင့် ပြည်သူ လူထုအပေါ် အနိုင်ကျင့်ခြင်း၊ စစ်မှုထမ်းစေခိုင်း၊ ဆက်ကြေးကောက်ခြင်း၊ ခြိမ်းခြောက်ခြင်းတို့လုပ် ဆောင်နေသော အုပ်ချုပ်ရေးမှူးများကို မည်သည့်နေရာ၌ မဆို သုတ်သင်ရှင်းလင်းသွားမည်ဖြစ် ကြောင်း၊ မိဘပြည်သူများအနေဖြင့် စစ်ကောင်စီတပ်သားများ၊ ထောက်တိုင်များ၊ အုပ်ချုပ်ရေးမှူးများ အနီး သွားလာနေထိုင်ခြင်းမပြုကြပါရန် ထုတ်ပြန်တိုက်တွန်းထားသည်။
Thanlwin Myanmar Media
