လေးမျက်နှာနှင့်အင်္ဂပူမြို့နယ်အစပ် ပန်းတောကြီးကျေးရွာတိုက်ပွဲတွင် စစ်ကောင်စီတပ်မှ ဗိုလ် တစ်ဦး စနိုက်ပါထိမှန်သေဆုံး
သံလွင်မြန်မာသတင်း
ဇူလိုင်လ ၈
ဧရာဝတီတိုင်း၊ ဟင်္သာတရိုင်၊ လေးမျက်နှာမြို့နယ်နှင့်အင်္ဂပူမြို့နယ်အစပ် ပန်းတောကြီးကျေးရွာ တိုက် ပွဲတွင် စစ်ကောင်စီတပ်မှ ဗိုလ်တစ်ဦး စနိုက်ပါထိမှန်သေဆုံးသွားကြောင်း သတင်းအထူးတပ်ဖွဲ့-ပုသိမ်က ရေးသားထားသည်။
ဇူလိုင်လ ၆ ရက် ည ၂ နာရီခန့်က အင်္ဂပူမြို့နယ်၊ ကွင်းကောက်ဒေသ အမှတ် ၅ တပ်မတော် လေ့ ကျင့်ရေး သင်တန်ကျောင်း – တတက (၅) မှ ဗိုလ်ကျော်မျိုးနိုင်သည် လေးမျက်နှာမြို့နယ်နှင့် အင်္ဂပူမြို့နယ်အစပ် ပန်းတောကြီးကျေးရွာဘက် တိုက်ပွဲတွင် PDF တပ်ဖွဲ့၏ စနှိုက်ဘာ ပစ်ခတ် မှုကြောင့် ဦးခေါင်းတည့်တည့် ထိမှန်ကာ နေရာ၌ ပွဲချင်းပြီးသေသွားကြောင်း သိရသည်။
သေဆုံးသွားသော ဗိုလ်ကျော်မျိုးနိုင်၏ ရုပ်အလောင်းကို ရခိုင်ကုန်း မီးသင်္ဂြိုလ်စက်၌ ထားရှိပြီး ယနေ့ ဇူလိုင်လ ၈ ရက် နံနက်ပိုင်းတွင် သင်္ဂြိုလ်မည်ဟု ၎င်း၏အမျိုးသမီးမှ အသိမိတ်ဆွေများကို ဖုန်းဖြင့် ဆက်၍ နာရေးဖိတ်ကြားနေကြောင်း သိရသည်။
ဧရာဝတီတိုင်းအတွင်း ထိတွေ့တိုက်ပွဲများတွင် စစ်ကောင်စီတပ်သားများ ထိခိုက်သေဆုံးမှုများပြား နေပြီး တစ်နေ့လျှင် သေဆုံးစစ်သား အလောင်း အနည်းဆုံး ၂ လောင်း ၃ လောင်း၊ အများဆုံး (၅) လောင်း ဝန်းကျင် သယ်ယူလာကာ ရခိုင်ကုန်းမီးသင်္ဂြိုလ်စက်တွင် ပုံမှန်သင်္ဂြိုလ်လျက်ရှိကြောင်း သိရသည်။
Thanlwin Myanmar Media
