ထားဝယ်မြို့ပေါ်ရှိ တိုင်းအစိုးရအဖွဲ့ရုံး၊ ဝန်ကြီးများ အိမ်ယာနှင့် စကခ ၈ တို့ကို ဒရုန်းဖြင့် ဗုံးကျဲ တိုက်ခိုက်
သံလွင်မြန်မာသတင်း
ဇန်နဝါရီလ ၅
တနင်္သာရီတိုင်း၊ ထားဝယ်မြို့ပေါ်ရှိ အကြမ်းဖက်စစ်ကောင်စီလက်အောက်ခံ တနင်္သာရီတိုင်း အစိုးရ အဖွဲ့ရုံး၊ ဝန်ကြီးများအိမ်ယာနှင့် စကခ ၈ တပ်တို့ကို ဒရုန်းဖြင့် ဗုံးကျဲတိုက်ခိုက်ခဲ့ကြောင်း ထားဝယ် ပြည်သူ့လွတ်မြောက်ရေးတပ်-TPLF ထံမှ သိရသည်။
ဒီဇင်ဘာလ ၃၁ ရက်နေ့က ထားဝယ်မြို့အတွင်းရှိ တနင်္သာရီတိုင်းဒေသကြီးအစိုးရအဖွဲ့ရုံးကို ၁ ကြိမ်၊ ဝန်ကြီးများ အိမ်ယာကို ၂ ကြိမ်၊ စကခ – ၈ ကို ၁ ကြိမ် ဗုံးကျဲ တိုက်ခိုက်ခဲ့ရာ စစ်ရေးပစ်မှတ်များကို တိကျစွာ ထိမှန်ခဲ့ပြီး အကြမ်းဖက်စစ်ကောင်စီ၏ ထိခိုက်ကျဆုံးမှုကို စုံစမ်း နေဆဲဖြစ်ကြောင်း သိရ သည်။
စစ်ဆင်ရေးဖော်ဆောင်နေသည့်အချိန်တွင် ရာသီဥတုအခြေအနေကြောင့် တော်လှန်ရေး ပူးပေါင်း တပ်ဖွဲ့များဘက်မှ ဒရုန်း လေယာဉ်ငယ် ၂ စီး ပျက်စီးဆုံးရှုံးခဲ့ကြောင်း သိရသည်။
အဆိုပါတိုက်ခိုက်မှုများတွင် ထားဝယ်ပြည်သူ့လွတ်မြောက်ရေးတပ်-TPLF Drone Team ၊ Ba Htoo Army ၊ ပြည်သူ့ကာကွယ်ရေးတပ်မတော် ထားဝယ်ခရိုင်အမှတ် ၁ တပ်ရင်း နှင့် ရေဖြူ ပကဖ တို့ ပူး ပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
Thanlwin Myanmar Media
