ကဗျာ ကဏ္ဍ “မုဆိုးမတို့ရွာ”

ပျိုးကြဲလက်

အာဏာ့ရှင် ဝန်ကိုထမ်းလို့

မရဏလမ်း မြန်းသူမှာ ။

ကျန်ရစ်သူ ငိုသံနှောပါ့

သောကစုံစွာ ။

ဗိုလ်ချုပ်တို့ ဆုံတဲ့ရွာ

ခြံတိုက်တာ ဝင့်ကြွား ။

မုဆိုးမမှာ ဝမ်းစာရဖို့

ကြိုးကုတ်တအား ။

ဦးဆောင်သူ ဉာဏ်နုသမို့

မိသားစု ပြိုရတာ ။

ကျန်ရစ်သူ အခြေကျဖို့

ရှာရဝမ်းစာ ။

မုဆိုးမတို့ ဆုံတဲ့ရွာ

ကံကြမ္မာ ခေသေး ။

ကိုယ့်တပ်ကို သူပြန်နင်းတယ်

ဖျင်းတဲ့ စစ်ခွေး ။

သူ့ဝန်ကို ကိုယ်ထမ်းလို့

ရှေ့တန်းမှာ ကြွေခဲ့ရင် ။

ဗိုလ်ချုပ်တွေ ဂြိုဟ်မွှေထားတဲ့

မုန့်ဟင်းခါးမြင် ။

အချိန်ရှိခိုက် ပြည့်ရင်ခွင်

ခိုနိုင်ရင် လွတ်သေး ။

မုဆိုးမရွာ ဘယာကင်းအောင်

မင်းလွတ်အောင်ပြေး ။     ။

ပျိုးကြဲလက်

ကဗျာရေးသားချိန် = ၂၀၂၄ ခုနှစ်၊ ဒီဇင်ဘာလ ၃၁ ရက် နံနက် အစောပိုင်း ၁ နာရီ ၁၆ မိနစ်

Thanlwin Myanmar Media