ပေါက်မြို့နယ်၊ ကိုင်းလယ်ရဲစခန်းမှ ရဲတပ်သား ၂ ဦးလက်နက်ခဲယမ်းများနှင့်အတူ အလင်းဝင်
သံလွင်မြန်မာသတင်း
ဒီဇင်ဘာလ ၂၈
မကွေးတိုင်း၊ ပေါက်မြို့နယ်၊ ကိုင်းလယ်ရဲစခန်းမှ ရဲတပ်သား ၂ ဦးလက်နက်ခဲယမ်းများနှင့်အတူ အလင်းဝင်ခဲ့ကြောင်း ပေါက်တောင်ပိုင်း ပကဖ – Young Revolution Force- YRF ထံမှသိရသည်။
ဒီဇင်ဘာလ ၂၆ ရက်နေ့က ပေါက်မြို့နယ်တောင်ပိုင်းရှိ ကိုင်းလယ်ရဲစခန်းမှ ရဲတပ်သားတစ်ဦးသည် G3 အျမိုးအစားသေနတ် ၁ လက်နှင့်အတူ အလင်းဝင်ရောက်လာခဲ့ကြောင်း၊ အလားတူ ဒီဇင်ဘာလ ၉ ရက်နေ့ကလည်း အဆိုပါ ရဲစခန်းမှ ရဲတပ်သားတစ်ဦးသည် G3 အမျိုးအစားသေနတ် ၁ လက်၊ G3 အမျိုးအစား ကျည်ဆံ အတောင့် ၁၀၀ နှင့်အတူ အလင်းဝင်ရောက်လာခဲ့ကြောင်း သိရသည်။
ထိုသို့ အမြင်မှန်ရပြီး ပြည်သူ့ကာကွယ်ရေးတပ်ဖွဲ့များထံ ပူးပေါင်းလာသော ရဲတပ်သား ၂ ဦးကို လုံခြုံ သောနေရာသို့ ပို့ဆောင်ကာ စားဝတ်နေရေးလိုအပ်ချက်များကို အကောင်းဆုံးကူညီဆောင်ရွက်ပေး ထားကြောင်း သိရသည်။
ပြည်သူလူထုနှင့်အတူ ပူးပေါင်းအလင်းဝင်လာမည့် စစ်ကောင်စီတပ်ဖွဲ့ဝင်များ၊ ရဲများ၊ ပျူစောထီးများ ကို ပေါက်တောင်ပိုင်း ပကဖ – YRF တပ်ဖွဲ့က အမြဲတမ်းကြိုဆိုလျက်ရှိပြီး မိမိတို့သွားလိုသော နေရာ သို့ အရောက်ပို့ဆောင်ပေးမည်ဖြစ်ကြောင်း အသိပေးထားသည်။
Thanlwin Myanmar Media
