ပေါင်းတည်မြို့နယ်၊ လှေကထောင်တဲတိုက်အနီးတွင် စစ်တပ်စစ်ကြောင်းကို တိုက်ခိုက်မှု စစ်သား ၁ ဦး သေဆုံး
သံလွင်မြန်မာသတင်း
ဒီဇင်ဘာလ ၂၁
ပဲခူးတိုင်း၊ ပေါင်းတည်မြို့နယ်၊ လှေကထောင်တဲအနီးတွင် အကြမ်းဖက်စစ်တပ်စစ်ကြောင်းကို တိုက် ခိုက်ခဲ့ရာ စစ်သား ၁ ဦးသေဆုံးခဲ့တယ်လို့ ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့ PPDF-၃၆၀၁ တပ်ရင်း က ထုတ်ပြန်ထားပါတယ်။
ဒီဇင်ဘာလ ၁၉ ရက် မနက် ၁၀ နာရီခွဲခန့်က ပေါင်းတည်မြို့နယ်၊ သိမ်ကုန်းတာဝါတိုင် အထိုင် စခန်းကနေ အင်အား ၄၀ လောက်နဲ့ နတ္တလင်းမြို့နယ် ဘက်ကို ဦးတည်ထွက်ခွာ လာတဲ့ အကြမ်း ဖက် စစ်ကောင်စီစစ်ကြောင်းကို ပြည်သူ့ကာကွယ်ရေးတပ်ဖွဲ့တွေက လှေကထောင်တဲတိုက်နား အရောက် အားကြား ဖြတ်တိုက်ခိုက်ခဲ့တာပါ။
အဲဒီတိုက်ခိုက်မှုမှာ အကြမ်းဖက်စစ်သား ၁ ဦးသေဆုံးကာ ၁ ဦးအပြင်းအထန်ဒဏ်ရာရရှိသွားတယ်လို့ သိရပါတယ်။
အကြမ်းဖက်စစ်ကောင်စီတပ်သားတွေဟာ လှေကထောင်တဲတိုက်နဲ့ သိမ်ကုန်းတဲတိုက်ထဲက ပြည်သူ တွေနဲ့ လှည်းတွေကို အတင်းအဓမ္မချောဆွဲကာ သေဆုံးစစ်သားအလောင်းနဲ့ ဒဏ်ရာရရှိသူကို သယ် ဆောင်ကာ နတ်တလင်းမြို့နယ်၊ ကွင်းကြယ်ရွာအထိုင်စခန်းကို ဝင်ရောက်သွားတယ်လို့ သိရပါ တယ်။
အဲဒီအကြမ်းဖက်စစ်ကြောင်းကို ပြည်ခရိုင်ပြည်သူ့ ကာကွယ်ရေးတပ်မတော် ၃၆၀၁ PPDFတပ်ရင်း တပ်ခွဲ ၂ ရဲဘော်တွေက တိုက်ခိုက်ခဲ့တာဖြစ်ပြီး ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ ထုတ်ပြန်ထားပါတယ်။
Thanlwin Myanmar Media
