ကဗျာကဏ္ဍ “ဝဋ်ကြွေး” (ရုပ်သံ)
ပျိုးကြဲလက်
ဘဝအရှင် ၊ သူ့သခင်သည်
ဂုဏ်အင်ကြွယ်ဝ ၊ နှလုံးလှသည့်
ဓနရှင်ပင်ဖြစ်ပါစေ ။
ဘုရားတရား၊ သံဃာ့အားကို
ဝတ်တွားရိုကျိုး ၊ လက်စုံမိုးသည့်
လူရိုးလူကောင်းဖြစ်ပါစေ ။
ပျားဖွတ်သားထိုး ၊ မယားခိုး၍
လူဆိုးလူယုတ် ၊ သန္ဓေပုတ်သည့်
အနုပ်စုတ် ဂုတ်စုတ်ဖြစ်ပါစေ ။
ရိုက်နှက်သည့်ဒဏ် ၊ အံကြိတ်ခံ၍
မာန်စွယ်ရိုကျိုး ၊ သခင်ဆိုးကို
အငြိုးမရှိ ၊ နာခံဘိ ။
သခင်ရှူးတိုက် ၊ အပြေးကိုက်၍
စိတ်လိုက်မာန်ပါ ၊ ဝတ်ကျေရှာသည်
သူ့မှာခွေးမျိုး ၊ အဖြစ်ဆိုး၏ ။
အမှားအမှန် ၊ ဤနှစ်တန်ကို
ဝေဖန်ပိုင်းခြား ၊ မသိငြားဘဲ
ဂုတ်ကျားဖောင်ဖျက် ၊ မိုက်တွင်းနက်၍
ရှင်လျက်ဘဝ ၊ သေခဲ့ရပြီ
ဒုက္ခဝဋ်ကြွေး ၊ မသေးပါတကား ။ ။
ပျိုးကြဲလက်
ကဗျာရေးသားချိန် = ၂၀၂၂ ခုနှစ်၊ ဖေဖော်ဝါရီလ ၂၀ ရက် နံနက်အစောပိုင်း ၁ နာရီ ၇ မိနစ်
Thanlwin Myanmar Media
မှတ်ချက်များ ပေးခဲ့နိုင်ပါတယ်...
