ပခုက္ကူမြို့ပေါ်မှာ အိမ်စီးကားဖြင့် ကင်းလှည့်နေသော စစ်သားတွေကို ပစ်ခတ်တိုက်ခိုက်မှု စစ်သား ၄ ဦး သေဆုံး
သံလွင်မြန်မာသတင်း
ဒီဇင်ဘာလ ၁၇
မကွေးတိုင်း၊ ပခုက္ကူမြို့ပေါ်မှာ အိမ်စီးကားနဲ့ကင်းလှည့်နေတဲ့ စစ်သားတွေကို ပစ်ခတ်တိုက်ခိုက်ခဲ့ရာ စစ်သား ၄ ဦးသေဆုံးတယ်လို့ ရွှေညာမြေပြည်သူ့ကာကွယ်ရေးတပ်ဖွဲ့ထံက သိရပါတယ်။
ဒီဇင်ဘာလ ၁၅ ရက် ည ၇ နာရီခွဲဝန်းကျင်က ပခုက္ကူမြို့ပေါ်မှာ အိမ်စီးကား Mark2 အမျိုးအစားနဲ့ ကင်းလှည့်နေတဲ့ စစ်သား ၅ ဦးကို သီတာလမ်းနဲ့ မြို့ရှောင်လမ်းအနီးမှာ ပြည်သူ့ကာကွယ်ရေးတပ်ဖွဲ့ ဝင်တွေက ပစ်ခတ်တိုက်ခိုက်ခဲ့တာပါ။
အဲဒီပစ်ခတ်တိုက်ခိုက်မှုအတွင်း ကားပေါ်ပါ စစ်သား ၄ ဦးသေဆုံးကာ ၁ ဦးအပြင်းအထန်ဒဏ်ရာရရှိ သွားတယ်လို့ ဆိုပါတယ်။
အဲဒီအကြမ်းဖက်စစ်သားတွေဟာ တပ်မ ၁၀၁ က စစ်သားတွေဖြစ်ပြီးတော့ ပခုက္ကူမြို့ရှောင်လမ်းအ တိုင်း အရှေ့ဘက်ကနေ သီတာလမ်းဂိတ်ဘက်ကို မောင်းနှင်လာတာဖြစ်တယ်လို့ သိရပါတယ်။
ပစ်ခတ်တိုက်ခိုက်မှုအပြီး ခဏအကြာမှာ အကြမ်းဖက်စစ်တပ် ကားကို ကရိန်းနဲ့လာရောက်ဆွဲယူ သွားသလို ပတ်ဝန်းကျင်ကိုလည်း ရမ်းသမ်းပစ်ခတ်တာတွေ လုပ်ဆောင်သွားသွာတယ်လို့ ဆိုပါ တယ်။
အကြမ်းဖက်စစ်ကောင်စီတပ်သားတွေကို မြိုင်ပကဖ တပ်ရင်း ၃ တပ်ခွဲ ၄ နဲ့ Shwe Nyar Myae PDF တပ်ဖွဲ့ပူးပေါင်းတိုက်ခိုက်ခဲ့တာဖြစ်ပြီး ပြည်သူ့ကာကွယ်ရေးတပ်ဖွဲ့ဝင်တွေ အထိအခိုက်မရှိ ပြန်လည် ဆုတ်ခွာနိုင်ခဲ့တယ်လို့ သိရပါတယ်။
Thanlwin Myanmar Media
