မုံရွာမြို့အဝင် မအူဂိတ်အနီး၌ စစ်ယာဉ်တန်းကို မိုင်းဆွဲတိုက်ခိုက်မှု စစ်သား ၂ ဦးသေဆုံးပြီး ၅ ဦး အရှင်ဖမ်းမိ
သံလွင်မြန်မာသတင်း
ဒီဇင်ဘာလ ၁၆
စစ်ကိုင်းတိုင်း၊ မုံရွာမြို့နယ်၊ မုံရွာ -မန္တလေးလမ်းမပေါ် မအူဂိတ်အနီး၌ အကြမ်းဖက်စစ်ယာဉ်တန်းကို မိုင်းဆွဲ တိုက်ခိုက်ခဲ့ရာ စစ်သား ၂ ဦးသေဆုံးပြီး ၅ ဦးအရှင်ဖမ်းမိခဲ့ကြောင်း မုံရွာမြို့နယ်ပြည်သူ့လုံခြုံ ရေးအဖွဲ့ ပလဖ ထံမှ သိရသည်။
ယမန်နေ့ ဒီဇင်ဘာလ ၁၅ ရက် ညနေ ၅ နာရီ ခွဲခန့်က စစ်ကိုင်းမြို့ဘက်မှ မုံရွာမြို့ဘက်သို့ မောင်းနှင် လာသော သံပြားကာကား ၊ ကြေးနီတင်တွဲကား နှင့် Acid Tanker trucks ပါ ၆၉ စီးယာဉ်တန်းကို မုံရွာ – မန္တလေးလမ်းမပေါ် မုံရွာမြို့အဝင် မအူဂိတ်အနီးအရောက် မိုင်းဆွဲ တိုက်ခိုက်ခဲ့ကြောင်း သိရသည်။
ထိုသို့ မိုင်းဆွဲတိုက်ခိုက်မှုအတွင်း အကြမ်းဖက်စစ်သားများက လက်နက်ကြီး၊လက်နက်ငယ်များဖြင့် ပြန်လည် ပစ်ခတ်မှုရှိသဖြင့် အပြန်အလှန်ပစ်ခတ်တိုက်ပွဲ တိုက်ပွဲဖြစ်ခဲ့ကြောင်း၊ အကြမ်းဖက်စစ်သား ၂ ဦးသေဆုံးပြီး ၅ ဦးဒဏ်ရာရရှိကာ စစ်သား ၅ ဦးကို အရှင်ဖမ်းမိခဲ့ကြောင်း သိရသည်။
အဆိုပါတိုက်ခိုက်မှုကို မုံရွာမြို့နယ် ပလဖ ၊ မုံရွာမြို့နယ် ပကဖ နှင့် BHA (Local အဖွဲ့) တို့ ပူးပေါင်း ကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးရဲဘော် ၂ ဦး မစိုးရိမ်ရ ဒဏ်ရာ အနည်းငယ်ရရှိခဲ့ ကြောင်း သိရသည်။
Thanlwin Myanmar Media
