ဖာပွန်ခရိုင်အတွင်းရှိ မာထောတပ်စခန်းကို အပြီးသတ်သိမ်းပိုက်မှု လက်နက်ခဲယမ်းအများအပြား သိမ်းဆည်းရရှိ
သံလွင်မြန်မာ
နိုဝင်ဘာလ ၂၃
ကရင်ပြည်နယ်၊ ဖာပွန်ခရိုင်၊ ဒွယ်လိုးမြို့နယ်အတွင်းရှိ အကြမ်းဖက်စစ်ကောင်စီရဲ့ မာထောတပ် စခန်းကို အပြီး သတ်တိုက်ခိုက်သိမ်းပိုက်ရရှိခဲ့ရာ လက်နက်ခဲယမ်းအများအပြား သိမ်းဆည်း ရရှိခဲ့ တယ်လို့ KNU ဗဟိုက ထုတ်ပြန်ထားပါတယ်။
ကေအဲန်ယူ− ကရင်အမျိုး သားအ စည်းအရုံး၊ ကော်သူးလေအုပ်ချုပ်နယ်မြေ၊ မူတြော်ခရိုင်၊ ဒွယ်လိုး မြို့နယ် အတွင်း အာဏာသိမ်း အ ကြမ်းဖက်စစ် ကောင်စီရဲ့ စကခ(၈) လက်အောက်ခံ ခမရ-၄၀၇၊ ခမရ-၄၀၈ နဲ့ ခမရ-၄၀၄ တပ်တွေ ဝင်ရောက်ကျူးကျော်တပ်စွဲထားတဲ့ မာထောတပ်စခန်းကို ကရင် အမျိုး သား လွတ်မြောက်ရေး တပ်မ တော် (K.N.L.A)တပ်မဟာ (၅) နဲ့ တော်လှန်ရေး ပူးပေါင်း တပ် ဖွဲ့တွေက မနေ့က နိုဝင်ဘာလ ၂၂ ရက် မနက် ၇ နာရီ ၄၈ မိနစ်အချိန်မှာ အပြီးသတ်တိုက်ခိုက်သိမ်း ပိုက်ခဲ့တာပါ။
Photo − အာဏာသိမ်းအကြမ်းဖက်စစ်ကောင်စီတပ်၏ မာထောစခန်းမှ သိမ်းဆည်းရမိသော လက် နက်ခဲယမ်းများ။
အဲဒီစခန်းသိမ်းပိုက်ခဲ့ရာ အကြမ်းဖက်စစ်ကောင်စီတပ်သားတွေ ထိခိုက်သေဆုံးဒဏ်ရာရရှိမှုရှိခဲ့သလို လက်နက်ခဲယမ်းအမြောက်အများ သိမ်းဆည်းရရှိခဲ့တယ်လို့ သိရပါတယ်။
အကြမ်းဖက်စစ်သား ဘယ်လောက်သေဆုံးတယ်၊ လက်နက်ခဲယမ်းအရေအတွက် ဘယ်လောက်ရှိ တယ်ဆိုတာတော့ အတိအကျပြန်လည်ထုတ်ပြန်ပေးသွားမယ်လို့ KNU ဗဟိုက ပြောဆိုထားပါတယ်။
သံလွင်မြန်မာသတင်းဌာန
