မြဝတီမြို့ရှိ အကြမ်းဖက်စစ်ကောင်စီ၏ လက်အောက်ခံ ခလရ ၂၇၅ တပ်ရင်းတစ်ခုလုံး အလံဖြူ ထောင်အလင်းဝင်
D Day News
ဧပြီလ ၆
ကရင်ပြည်နယ်၊ မြဝတီမြို့အနီးရှိ အကြမ်းဖက်စစ်ကောင်စီ၏ လက်အောက်ခံ ခလရ ၂၇၅ တပ်ရင်း တစ်ခုလုံး အလံဖြူထောင်အလင်းဝင်ရောက်ခဲ့ပြီဖြစ်ကြောင်း ဒေသသတင်းရင်းမြစ်များနှင့် ကျားဖြူ စစ်ကြောင်းက အသိပေးထား သည်။
ယမန်နေ့ ဧပြီလ ၅ ရက်နေ့က မြဝတီမြို့အနီး၊ သင်္ဃန်းညီနောင်အခြေစိုက် အခြေချဗျူဟာစခန်းကို KNLA နှင့် တော်လှန်ရေးအင်အားစုများက ယမန်နေ့က တိုက်ခိုက်သိမ်းပိုက်ပြီးနောက် ယနေ့ ဧပြီလ ၆ ရက်နေတွင် မြဝတီမြို့ရှိ ခလရ ၂၇၅ တပ်ရင်းကို တိုက်ခိုက်ရန် ဝိုင်းဝန်းပိတ်ဆို့ထားစဉ် အလံဖြူ ထောင်ခဲ့ခြင်းဖြစ်ကြောင်း သိရသည်။
ထို့သို့ ခလရ ၂၇၅ တပ်ရင်း တစ်လုံး အလံဖြူထောင် လက်နက်ချလိုက်ပြီး မြဝတီမြို့ကို သိမ်းပိုက် လိုက်ပြီဟု သတင်းများ ထွက်ပေါ်ပြီးနောက် “၂၇၅ အလံဖြူထောင်ပြီ (၄၀၀) ” ဟု ကျားဖြူစစ် ကြောင်းက အသိပေးထားခြင်းဖြစ်သည်။
မြဝတီမြို့ကို အကြမ်းဖက်စစ်ကောင်စီတပ်က ဖုန်းလိုင်းများဖြတ်တောက်ထားပြီး ခလရ ၂၇၅ တပ် ရင်း သိမ်းပိုက်ရရှိပြီးပါက မြဝတီမြို့အနီးတဝိုက်တွင် အကြမ်းဖက်စစ်တပ်အထိုင် စခန်းများ မရှိတော့ကြောင်း သိရသည်။
Photo – သင်္ဃန်းညီနောင်ဗျူူဟာစစ်စခန်းနှင့် ခမရ ၃၅၇ တပ်ရင်းမှ သိမ်းဆည်းရရှိသော လက်နက် ခဲယမ်းများ။
D Day News
