ပြည်သူများ ရေဘေးမဖြစ်စေရန် ဆည်တော်ကြီးရေလှောင်တမံကို စနစ်တကျ လှည့် စောင့်ကြည့် လျက်ရှိပြီး စိုးရိမ်စရာမရှိဟု မန္တလေး PDF ထုတ်ပြန်
D Day News
စက်တင်ဘာလ ၁၅
မန္တလေးတိုင်း၊ မတ္တရာမြို့နယ်ရှိ ဆည်တော်ကြီးရေလှောင်တမံကို လှည့်ပတ်စောင့်ကြည့်လျက်ရှိပြီး စိုးရိမ်စရာမရှိသေးကြောင်း မန္တလေး PDF က ယနေ့ စက်တင်ဘာလ ၁၅ ရက် ညပိုင်းတွင် ထုတ်ပြန် သည်။
မတ္တရာမြိုနယ် ၊ ဆည်တော်ကြီးရေလှောင်တမံ၏ ကန်ရေပြည့်အမှတ်မှာ (၄၂၀)ပေ ဖြစ်ပြီး ပုံမှန်ရေ ထိန်း အမှတ်ကို (၄၁၅)ပေ ဖြင့် ထိန်းသိမ်းလည်ပတ်လျက်ရှိကြောင်း၊ ယနေ့ စက်တင်ဘာလ (၁၅) ရက်နေ့ တိုင်းထွာချက်အရ ဆည်တော်ကြီးရေလှောင်တမံ၏ လက်ရှိကန်ရေပြင်အမှတ်မှာ (၃၈၅)ပေ ဖြစ်ပြီး မိဘပြည်သူများ အနေဖြင့် ဆည်တော်ကြီးရေလှောင်တမံနှင့်ပတ်သက်၍ စိုးရိမ်စရာ မရှိ ကြောင်း သိရသည်။
ပြည်သူ့ကာကွယ်ရေးတပ်မတော် (မန္တလေး) အနေဖြင့် ပြည်သူများ ဘေးအန္တရာယ်မဖြစ်စေရန် ဆည် တော်ကြီးရေလှောင်တမံနှင့်ပတ်သက်၍ စနစ်တကျစောင့်ကြည့်လည်ပတ်လျက်ရှိကြောင်း မန္တလေး PDF က အသိပေးထုတ်ပြန်ထားသည်။
D Day News
မှတ်ချက်များ ပေးခဲ့နိုင်ပါတယ်...
