အုတ်ဖိုမြို့နယ်၊ စဉ့်ကူးရွာအုပ်ကြီးပစ်ခတ်ခံရပြီးသေဆုံး၊ သေဆုံးအလောင်းကို လာရောက်သည့် ပျူများ ကို ထပ်မံတိုက်ခိုက်မှု ပျူ၂ ဦးသေဆုံး
D Day News
စက်တင်ဘာလ ၁၀
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်၊ တယ်ပင်ကျောအုပ်စု၊ စဥ့်ကူးကျေးရွာ အုပ်ချုပ်ရေးမှူး ပျူခေါင်းဆောင် သက်ကြီး(ခ)သက်အောင် ကို ပစ်ခတ်ရှင်းလင်းခဲ့ရာ နေရာမှာပင်သေဆုံးသွား ကြောင်း သာယာဝတီခရိုင်တပ်ရင်း ၃၈၀၂ ထံမှ သိရသည်။
စက်တင်ဘာလ ၉ ရက် နံနက် ၇ နာရီခန့်က အုတ်ဖိုမြို့နယ်၊ တယ်ပင်ကျောကျေးရွာအုပ်စု၊ စဉ့်ကူး ကျေးရွာနေအကြမ်းဖက်စစ်တပ် ထောက်တိုင် အုပ်ချုပ်ရေးမှူး၊ ပျူခေါင်းဆောင် သက်အောင်ကို တော်လှန်ရေးတပ်ဖွဲ့ဝင်များက တောင်သုံးလုံးဘုရားနှင့် စဥ့်ကူးကျေးရွာကြားရှိ လမ်းပေါ်၌ အသင့် စောင့်ကြို ပစ်ခတ်ရှင်းလင်းခဲ့ရာ နေရာမှာပင်သေဆုံးသွားကြောင်း သိရသည်။
သေဆုံးသူသည် အကြမ်းဖက်စစ်ကောင်စီတပ်ထောက်တိုင်တစ်ဦးဖြစ်ပြီးပြည်သူများအား အတင်း အကြပ် ခြိမ်းခြောက်၍ စစ်မှုထမ်းရန် လူစုပေးခြင်း၊ ငွေကြေးကောက်ခံခြင်း၊ စကစများထံ တော်လှန်ရေး ရဲဘော်များ၏ အချက်အလက်များအား ထောက်လှမ်းသတင်းပို့ခြင်း၊ စဥ့်ကူးကျေးရွာနှင့် တမံကြီး ရွာ ကြား၌ စစ်ဆေးရေးဂိတ်ဖွင့်ကာ အကြောင်းအမျိုးမျိုးပြ၍ ငွေကြေးကောက်ခံခြင်း၊ ဒေသခံလူငယ် များ အား စည်းရုံး၍ စစ်ကောင်စီလက်ကိုင်တုတ် ပျူစောထီးအဖွဲ့ ဖွဲစည်းပြီး ပြည်သူများအား အမျိုး မျိုး ဒုက္ခပေးနေသဖြင့် ယခုလို အရေးယူရခြင်းဖြစ်ကြောင်း သာယာဝတီခရိုင်တပ်ရင်း ၃၈၀၂ က အသိပေးထားသည်။
ထိုသို့ ပစ်ခတ်ရှင်းလင်းပြီးနောက် ၎င်းထံမှ မိုလ်ဘိုင်းဖုန်း၁လုံး၊ ငွေကျပ်၁သိန်း နှင့် စစ်မှုထမ်းဟောင်း ကတ်ပြား၁ခုအား သိမ်းဆည်းရရှိခဲ့ကြောင်း၊ နံနက် ၉ နာရီခန့်တွင် သေဆုံးသွားသော စဥ့်ကူးကျေးရွာ အုပ်ချုပ်ရေးမှူး ပျူခေါင်းဆောင် သက်ကြီး(ခ)သက်အောင်အလောင်းကို ၎င်း၏လက်အောက်ငယ် သားပျူများက လာရောက်ယူစဉ် အပြန်အလှန်ပစ်ခတ်တိုက်ပွဲမိနစ် ၂၀ ခန့်ဖြစ်ပွားခဲ့ရာ ပျူစောထီး ၂ ဦး သေဆုံး ထပ်မံသေဆုံးခဲ့ကြောင်း သိရသည်။
အဆိုပါ တိုက်ခိုက်မှုများကို သာယာဝတီခရိုင် တပ်ရင်း ၃၈၀၂၊ တပ်ခွဲ ၄ မြေအောက်ပြောက်ကျား တပ်ဖွဲ့ -အုတ်ဖို ၏ ရဲဘော်များမှ လုပ်ဆောင်ခဲ့ခြင်းဖြစ်ပြီး ပြည်သူ့ကာကွယ်ရေး တပ်ဖွဲ့ဝင်များ အထိအခိုက်မရှိ ဘေးကင်းစွာ ပြန်လည်ဆုတ်ခွာခဲ့နိုင်ခဲ့ကြောင်း သိရသည်။
ပြည်သူများနှင့် တော်လှန်ရေးတပ်ဖွဲ့များအား ဒုက္ခပေးနေကြသည့် စကစထောက်တိုင်များကို ပြင်း ပြင်းထန်ထန် အရေးယူသွားမည်ဖြစ်ပြီး မိဘပြည်သူများ အနေဖြင့် အဆိုပါထောက်တိုင်များအနီး သွားလာနေထိုင်ခြင်း မပြုလုပ်ကြရန် အသိပေးထုတ်ပြန်ထားသည်။
D Day News
