ချောင်းဦးမြို့နယ်၊ ကံကြီးကုန်းပျူစောထီးစခန်းကို တိုက်ခိုက်မှု ခဲယမ်းများ သိမ်းဆည်းရရှိ
D Day News
စက်တင်ဘာလ ၉
စစ်ကိုင်းတိုင်း၊ မုံရွာခရိုင်၊ ချောင်းဦးမြို့နယ်၊ ကံကြီးကုန်းရွာ ပျူစောထီးစခန်းကို တိုက်ခိုက်ခဲ့ရာ ခဲ ယမ်းများ သိမ်းဆည်းရရှိခဲ့ကြောင်း မုံရွာခရိုင်အမှတ် ၁၂ တပ်ရင်း၊ တပ်ခွဲ ၃ လျှပ်စီးတပ်ခွဲထံမှ သိရ သည်။
ဩဂုတ်လ ၂၈ ရက်နံနက် ၄ နာရီခန့်တွင် ချောင်းဦးမြို့နယ်၊ ကံကြီးကုန်းရွာ ပျူစောထီစခန်းကို ပြည် သူ့ကာကွယ်ရေးပူးပေါင်းတပ်ဖွဲ့များမှ ဝင်ရောက်တိုက်ခိုက်ခဲ့ရာ ဩဂုတ်လ ၃၀ ရက်နေ့အထိ ကြာ မြင့်ခဲ့ကြောင်း၊ အကြမ်းဖက်စစ်ကောင်စီ၏ နောက်ဆုံးလက်ကျန်တပ်စခန်းတစ်သာ သိမ်းပိုက်ရန် ကျန်ရှိနေချိန် စစ်ကောင်စီလေတပ်၏ လေကြောင်းပစ်ကူပေးတိုက်ခိုက်မှု၊ မုံရွာ-မန္တလေးလမ်းမပေါ် ရှိ စွမ်းရည်ထက်ဆီဆိုင် အထိုင်စခန်းမှ လက်နက်ကြီးဖြင့် တရစပ်ပစ်ကူပေး တိုက်ခိုက်မှုတို့ကြောင့် ပြန်လည် သိမ်းပိုက်နိုင်ခြင်းမရှိပဲ ဆုတ်ခွာခဲ့ရကြောင်း သိရသည်။
“၂၈ နေ့ မနက် ၄ နာရီဝန်းကျင်လောက်ကနေ ထိုးစစ်စတာပါ။ ဩဂုတ်လ ၃၀ ရက်နေ့အထိ ၃ ရက် ကြာခဲ့ပါတယ်။ ရန်သူ့နောက်ဆုံးစခန်းကိုတော့ မသိမ်းနိုင်ခဲ့ပါဘူး။ စွမ်းရည်ထက် ဆီဆိုင်မှာ တပ်စွဲ ထားတဲ့ စကစ တပ်ကနေ လက်နက်ကြီး ပစ်ကူတွေ တရစပ် ပစ်ပေးနေတာရယ်၊ လေ ကြောင်းက နေ ဆက်တိုက် ဗုံးကျဲနေတာတွေရယ်နဲ့ အခြားအနေတွေကြောင့် နောက်ဆုံစခန်းရခါနီး မှ ကျနော်တို့ ပြန်လည် ဆုတ်ခွာခဲ့ရပါတယ်” ဟု မုံရွာခရိုင်အမှတ် ၁၂ တပ်ရင်း၊ တပ်ခွဲ ၃ လျှပ်စီးတပ်ခွဲမှ တာဝန်ရှိ သူတစ်ဦးက ပြောကြားသည်။
အဆိုပါ တိုက်ခိုက်မှုကို မုံရွာခရိုင် အမှတ် ၁၂ တပ်ရင်း ၊ တပ်ခွဲ ၃ လျှပ်စီးတပ်ခွဲ ၊ Nga Moe Yeik Column နှင့်မဟာမိတ်တပ်ပေါင်းစုတပ်ရင်းတပ်ဖွဲ့များက တိုက်ခိုက်ခဲ့ခြင်းဖြစ်ကြောင်း သိရသည်။
D Day News
