နမ့်ခမ်းမြို့နယ်တွင် တအာင်းလူမျိုးများ တအာင်းစာပေ ရေးတတ်၊ ဖတ်တတ်၊ ပြောဆိုတတ်ရန် တအာင်းရုံးသုံးစာ သင်တန်းဖွင့်
D Day News
ဧပြီလ ၄
တအာင်းပြည်နယ်၊ တပ်မဟာ (၁)စစ်ဒေသ၊ နမ့်ခမ်းမြို့နယ်၊ ဖဒဲန်အုပ်စု၊ ဖဒဲန်ကျေးရွာတွင် တအာင်း လူမျိုးများ တအာင်းစာပေ ရေးတတ်၊ ဖတ်တတ်၊ ပြောဆိုတတ်ရန် ရည်ရွယ်၍ တအာင်းရုံးသုံးစာ သင်တန်းဖွင့်လှစ်ခဲ့ကြောင်း TNLA သတင်းနှင့်ပြန်ကြားရေးဌာနထံက သိရသည်။
ဧပြီလ ၁ ရက် နံနက် ၉ နာရီမှ ၁၂ နာရီခန့်အထိ နမ့်ခမ်းမြို့နယ်၊ ဖဒဲန်အုပ်စု၊ ဖဒဲန်ကျေးရွာတွင် တအာင်း စာပေသင်ကြားရေးအဖွဲ့-TLTA မှ ဦးဆောင်ကာ တအာင်းရုံးသုံးစာသင်တန်းကို ဖွင့်လှစ်ခဲ့ ခြင်းဖြစ်ပြီး ဖွင့်ပွဲ အခမ်းအနားသို့ ဗိုလ်မှူးကြီး တားလော်ည်လာဝ်၊ တအာင်းအကယ်ဒမီကျောင်း တာဝန်ခံ(TAA) ဗိုလ်ကြီး အိုမ်ဆငါး၊ ဗိုလ်ဂါင်ဒိုင်း၊ စာပေယဥ်ကျေးမှုအဖွဲ့၊ ကျေးရွာအုပ်ချုပ်ရေးမှူး၊ ကျေးရွာဥက္ကဋ္ဌ၊ TLAT တာဝန်ခံနှင့် ဆရာမများ၊ ရပ်မိရပ်ဖများအပါအဝင် စုစုပေါင်း (၁၂၆)ဦး တက် ရောက်ခဲ့ကြောင်း သိရသည်။
တအာင်းလူမျိုးအားလုံး တအာင်းစာပေယဉ်ကျေးမှုကို ချစ်မြတ်နိုးတက်လာစေရန် ၊ တအာင်းပြည် နယ်ရှိ တအာင်းလူမျိုးများ ရုံးသုံးစာတတ်မြောက်စေနိုင်ရန်၊ တအာင်းစာပေ များများထုတ်နိုင်ပြီး နောင်လာမည့် လူငယ်များအတွက် ဖတ်ရှုနိုင်ရန်၊ တအာင်းပြည်နယ်ရှိ ကျေးရွာအားလုံးကို သင်တန်း ပေး နိုင်ရန်နှင့် တအာင်းပြည်နယ်ရှိ တအာင်းလူမျိုးအားလုံး တအာင်းစာ ရေးတတ် ဖတ်တတ် ပြော တတ် ဆိုတတ်ဖြစ်လာစေရန် ရည်ရွယ်ထားကြောင်း သိရသည်။
ယင်းသင်တန်းတွင် တအာင်းရုံးသုံးစာ ခေါင်းစဉ် (၁၀) မျိုးဖြင့် တစ်ရက် ၆ နာရီသင်ကြားပေးသွား မည်ဖြစ်ပြီး သင်တန်းကာလ ၄၅ ရက် ကြာသွားမည်ဖြစ်ကြောင်း သိရသည်။
အဆိုပါ တအာင်းစာပေ သင်ကြားရေးအဖွဲ-TLTA သည် ၂၀၂၃ ခုနှစ်တွင် တအာင်းရုံးသုံးစာသင်တန်း ကို ၅ ကြိမ်နှင့် ၂၀၂၄ ခုနှစ်တွင် (၅) ကြိမ် အောင်မြင်စွာ ဖွင့်လှစ်နိုင်ခဲ့ကြောင်း TNLA သတင်းနှင့် ပြန်ကြားရေးဌာနထံက သိရသည်။
D Day News
