တန့်ဆည်မြို့မရဲစခန်းမှ ဒုတပ်ကြပ်တစ်ဦး လက်နက်ခဲယမ်းများနှင့်အတူ အလင်းဝင်
D Day News
ဩဂုတ်လ ၂၅
စစ်ကိုင်းတိုင်း၊ တန့်ဆည်မြို့မရဲစခန်းမှ ရဲ ဒုတပ်ကြပ်တစ်ဦးသည် လက်နက်ခဲယမ်းများ ယူဆောင်ပြီး အလင်းဝင်ခဲ့ကြောင်း ကလေးခရိုင်အမှတ် ၁၁ တပ်ရင်း – Minkin PDF ထံမှသိရသည်။
တန့်ဆည်မြို့မရဲစခန်းမှ ဒုတပ်ကြပ်တစ်ဦးသည် G 3 ၁လက် ၊ ကျည်ဘောက် ၂ခု ၊ လက်ထိပ် ၁ခု ၊ လက်ပစ်ဗုံး ၁လုံး ၊၅.၅၆ ကျည် ၁ တောင့် ၊ ၄.၈ ကျည် ၁ တောင့် ၊ ၉ မမ ကျည် ၇ တောင့်နှင့် ၇.၆၂ ကျည် ၁၇၃ တောင့်တို့ အခက်အခဲများကြားမှ ယူဆောင်ကာ အလင်းဝင်ရောက်ခဲ့ကြောင်း သိရသည်။
ထိုသို့အလင်းဝင်ရောက်လာသူ ရဲဒုတပ်ကြပ်ကို Freedom Revolution Force (FRF) ၊ S.A.F နှင့် နယ်မြေခံ ပကဖ များက အခက်ခဲများကြားမှ ကူညီခေါ်ထုတ်ပေးခဲ့ရသည်ကြောင်း သိရသည်။
စစ်ကောင်စီလက်အောက်တွင် တာဝန်ထမ်းဆောင်နေကြသော စစ်သား နှင့် ရဲများ အနေဖြင့် ပြည်သူနှင့်အတူ ပူးပေါင်းကြရန် ကလေးခရိုင် ၊ အမှတ် ၁၁ တပ်ရင်းက တိုက်တွန်းထားသည်။
D Day News
