ရေးမြို့နယ်၊ မြို့ဟောင်းကျေးရွာ၌ တိုက်ပွဲဖြစ်ပြီး စစ်သား ၆ ဦးသေဆုံးကာ PDF ရဲဘော်တစ်ဦး ကျဆုံး
D Day News
ဩဂဒတ်လ ၉
မွန်ပြည်နယ်၊ ရေးမြို့နယ်၊ မြို့ဟောင်းကျေးရွာတွင် တိုက်ပွဲဖြစ်ပြီး အကြမ်းဖက်စစ်သား ၆ ဦးသေဆုံး ကာ YPDF မှ ရဲဘော်တစ်ဦးကျဆုံးခဲ့ကြောင်း မွန်ပြည်သစ်ပါတီ – AD ထံမှ သိရသည်။
ယမန်နေ့ ဩဂုတ်လ ၈ ရက်နေ့က ရေးမြို့နယ်၊ ကမော့ကနင်ကျေးရွာ အခြေစိုက် အကြမ်းဖက်စစ် ကောင်စီ၏ ခလရ ၁၀၆ နှင့် ခမရ ၅၈၈ ပူးပေါင်းထားသော အကြမ်းဖက်စစ်သား ၁၂၀ ခန့်သည် မြို့ ဟောင်းကျေးရွာဘက်သို့ စစ်ကြောင်းထိုးဝင်ရောက်လာသဖြင့် ရင်ဆိုင် တိုက်ပွဲဖြစ်ပွားခဲ့ခြင်းဖြစ် ကြောင်း သိရသည်။
ယင်းတိုက်ပွဲသည် ညနေ ၃ နာရီမှ ည ၉ နာရီ ၃၀ မိနစ်အထိ ကြာမြင့်ခဲ့ပြီး အကြမ်းဖက် စစ်သား ၆ ဦး သေဆုံးကာ အများအပြား ဒဏ်ရာရရှိခဲ့ပြီး တော်လှန်ရေးပူးပေါင်းတပ်ဖွဲ့ YPDF မှ ရဲဘော်တစ်ဦး တိုက်ပွဲအတွင်း တိုင်းပြည်နှ့င့် လူမျိုးအတွက် မြင့်မြတ်စွာ အသက်ပေးလှူခဲ့ရကြောင်း သိရသည်။
အဆိုပါ တိုက်ခိုက်မှုကို မွန်ပြည်သစ်ပါတီ (AD) ၊ YPDF ပူးပေါင်းတပ်ဖွဲ့တို့မှ တိုက်ခိုက်ခဲ့ခြင်းဖြစ်ပြီး အကြမ်းဖက်စစ်ကောင်စီတပ်သားများလည်း ယနေ့ ဩဂုတ်လ ၉ ရက် နံနက် ၇ နာရီ ၃၀ မိနစ်အချိန် တွင်မြို့ဟောင်းကျေးရွာမှ ပြန်လည် ဆုတ်ခွာသွားကြောင်း သိရသည်။
D Day News
