ဖလမ်းမြို့ ခလရ ၂၆၈ တပ်ရင်းမှ ဒုတပ်ကြပ်တစ်ဦး လက်နက်နှင့်အတူ အလင်းဝင်၊ ဆုငွေကျပ်သိန်း ၈၀ ချီးမြှင့်
D Day News
ဇူလိုင်လ ၁၇
ချင်းပြည်နယ်၊ ဖလမ်းမြို့အခြေစိုက် အကြမ်းဖက်စစ်ကောင်စီ၏ ခလရ ၂၆၈ တပ်ရင်းမှ ဒုတပ်ကြပ် တစ်ဦး လက်နက်ခဲယမ်းများနှင့်အတူ အလင်းဝင်ရောက်ခဲ့သဖြင့် ငွေကျပ်သိန်း ၈၀ ချီးမြှင့်ခဲ့ကြောင်း CNO/CNDF သတင်းနှင့်ပြန်ကြားရေး ဌာနထံက သိရသည်။
ဇူလိုင်လ ၃ ရက်နေ့က ဖလမ်းမြို့ အခြေစိုက် အကြမ်းဖက် စစ်ကောင်စီ၏ ခလရ ၂၆၈ တပ်ရင်းမှ ဒုတပ်ကြပ် မိုးဇက်သည် CNO/CNDF ထံသို့ MA-4 သေနတ် ၁ လက်၊ ကျည်ဘောက် ၄ ခု၊ ကျည်ဆံ အတောင့် ၁၂၀ နှင့် 40 MM ဗုံးသီး ၁၄ လုံးကို ယူဆောင်လာခဲ့ကာ အလင်းဝင်ရောက်ခဲ့ခြင်း ဖြစ်ကြောင်း သိရသည်။
ထို့သို့ အလင်းဝင်ရောက်ခဲ့သည့် ဒုတပ်ကြပ်ကို CNO/CNDF မှ ဆုကြေးငွေ ကျပ် သိန်း ၈၀ ချီးမြှင့်ခဲ့ ပြီး လွတ်မြောက်နယ်မြေသို့ ပို့ဆောင်ပေးထားကြောင်း သိရသည်။
D Day News
မှတ်ချက်များ ပေးခဲ့နိုင်ပါတယ်...
