တနင်္သာရီမြို့နယ်ရှိ အကြမ်းဖက်စစ်ကောင်စီ၏ ခမရ ၅၅၇ ၊ ၅၅၈ တပ်ရင်း ၂ ခုကို ဒရုန်းဖြင့် ဗုံးကြဲ တိုက်ခိုက်မှု စစ်သားများ ထိခိုက်သေဆုံးမှုရှိ
D Day News
ဧပြီလ ၁
တနင်္သာရီတိုင်း၊ မြိတ်ခရိုင်၊ တနင်္သာရီမြို့နယ်ရှိအကြမ်းဖက်စစ်ကောင်စီ၏ ခမရ ၅၅၇ ၊ ၅၅၈ တပ်ရင်း ၂ ခုကို ဒရုန်းဖြင့် ဗုံးကြဲတိုက်ခိုက်ခဲ့ရာ အကြမ်းဖက်စစ်သားများ ထိခိုက်သေဆုံးမှုရှိကြောင်း မြိတ်ခရိုင် ပြည်သူ့ကာကွယ်ရေး ပူးပေါင်းစစ်ကြောင်း ၁ ထံမှ သိရသည်။
ယမန်နေ့ မတ်လ ၃၁ ရက်ည ၁၁ နာရီမိနစ် ၃၀ မှ ယနေ့ဧပြီလ ၁ ရက် နံနက် ၄ နာရီအထိ တနင်္သာရီမြို့နယ်အတွင်းရှိ အကြမ်းဖက် စစ်ကောင်စီ၏ ခ.မ.ရ (၅၅၇) နှင့် ခ.မ.ရ (၅၅၈) တပ် ရင်းတို့ကို ဒရုန်းဖြင့် ဗုံးသီး ၈ လုံးကြဲချတိုက်ခိုက်ခဲ့ရာ တပ်ရင်းအတွင်းရှိ အဆောက်အအုံ အချို့ ထခိုက်မှုပျက်စီးမှုရှိခဲ့ပြီး အကြမ်းဖက်စစ်သားများလည်း သေဆုံးမှုရှိနိုင်ကြောင်း သိရသည်။
“ထိခိုက်သေဆုံးမှုက ရှိနိုင်တယ်၊ အသေးစိတ်တော့ မသိရသေးဘူး၊” ဟု မြိတ်ခရိုင် ပြည်သူ့ကာကွယ် ရေးတပ်မတော် ပူးပေါင်းစစ်ကြောင်း ၁ မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို မြိတ်ခရိုင်၊ပြည်သူ့ကာကွယ်ရေး ပူးပေါင်းစစ်ကြောင်း – ၁ (ADF ဒရုန်းအဖွဲ့) မှ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
