မြင်းခြံခရိုင်တွင် ၂၄ ရက်ကြာတိုက်ပွဲအတွင်း အကြမ်းဖက်စစ်သား ၄၀ အထက်သေဆုံးပြီး ဗိုလ်မှူး တစ်ဦးအပါအဝင် ၅ ဦးအရှင်ဖမ်းမိကာ လက်နက် ၂၀ကျော်နှင့်ခဲယမ်းများစွာ သိမ်းဆည်းရရှိ
D Day News
ဇွန်လ ၂၅
မန္တလေးတိုင်း၊ မြင်းခြံခရိုင်အတွင်း၌ ၂၄ ရက်ကြာ တိုက်ပွဲအတွင်းအကြမ်းဖက်စစ်သား ၄၀ ဦးအထက် သေဆုံးကာ ဗိုလ်မှူးတစ်ဦးအပါအဝင် စစ်သား ၅ ဦး အရှင်ဖမ်းမိပြီး လက်နက် ၂၁ လက်နှင့်ခဲယမ်း များ သိမ်းဆည်းရရှိခဲ့ကြောင်း နွားထိုးကြီး PDF ထံမှ သိရသည်။
ဇွန်လ ၂ ရက်နေ့မှ ၂၅ ရက်နေ့အထိ မြင်းခြံခရိုင်အတွင်းလှည့်လည်နေသော အကြမ်းဖက်စစ်သားများ ကို ပြည်သူ့ကာကွယ်ရေး ပူးပေါင်းတပ်ဖွဲ့မှ တိုက်ခိုက်ခဲ့ရာ တိုက်ပွဲ စုစုပေါင်း ၁၂ ကြိမ်အထက်ဖြစ်ပွား ခဲ့ပြီး အကြမ်းဖက်စစ်သား ၄၀ အထက်သေဆုံးကာ ဗိုလ်မှူးအဆင့်ရှိသူတစ်ဦးအပါအဝင် ၅ ဦး ကိုအ ရှင်ဖမ်းမိခဲ့ကြောင်း သိရသည်။
ယင်းတိုက်ပွဲများအတွင်း အကြမ်းဖက်စစ်သားများ အသုံးပြုသော RPG-7 လက်နက်ကြီး ၁ လက်၊ ငါး ကြင်းမြီး စက်က် ၁ လက်၊ ၄၅ မမ စိန်ပြောင်း ၁ လက်၊ MA 1 သေနတ် ၄ လက်၊ MA 2 သေနတ် ၁ လက်၊ MA 3 သေနတ် ၄ လက်၊ G3 သေနတ် ၅ လက်၊ အူစီ သေနတ် ၂ လက်၊ MA5 ပစ္စတို သေနတ် ၂ လက်၊ ကျည်မျိုးစုံ အတောင့် ၃၀၀၀ ကျော်နှင့် အခြားသော ခဲယမ်းပစ္စည်းပေါင်းများစွာ သိမ်းဆည်း ရရှိခဲ့ကြောင်း သိရသည်။
အဆိုပါ တိုက်ခိုက်မှုကို မြင်ခြံခရိုင်အမှတ်- ၄ တပ်ရင်း – နွားထိုးကြီး PDF ၊ ပြည်သူ့ကာကွယ်ရေး တပ်မတော်-မန္တလေး MDY-PDF ၊ မြင်းခြံမြို့နယ်-ပကဖ ၊ နွားထိုးကြီးမြို့နယ်-ပကဖ၊ တံတားဦးမြို့ နယ်-ပကဖ ၊ မြင်းခြံခရိုင်-Drone တပ်ဖွဲ့နှင့် မြင်းခြံခရိုင်အတွင်း၌ ရှိသော အခြားသော မဟာမိတ် တပ်ဖွဲ့များ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
