မိုးကုတ်မြို့နယ်တွင် စစ်တပ်က ဒရုန်းဖြင့် ဗုံးကြဲပြီး စစ်ကြောင်းထိုးလာမှုကြောင့် TNLA နှင့် တိုက်ပွဲ ပြန်ဖြစ်
D Day News
ဇွန်လ ၂၃
မန္တလေးတိုင်း၊ မိုးကုတ်မြို့နယ်တွင် အကြမ်းဖက်စစ်တပ်က ဒရုန်းဖြင့် ဗုံးကြဲပြီး စစ်ကြောင်းထိုးမှု ကြောင့် TNLA တပ်ဖွဲ့နှင့်တိုက်ပွဲပြန်ဖြစ်ခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန် သည်။
ဇွန်လ ၂၂ ရက် ညနေ ၃ နာရီခွဲခန့်က မိုးကုတ်မြို့နယ်၊ အောက်ပိန်းပြစ်ကျေးရွာ၌ တပ်စွဲထားသည့် အကြမ်းဖက်စစ်တပ်က အထက်ပိန်းပြစ်ရွာကို ဒရုန်းဖြင့် ဗုံးကြဲတိုက်ခိုက်ခဲ့ရာ ရွာဘုန်းကြီးကျောင်း ဆောင်ထိခိုက်ပျက်စီးခဲ့ကြောင်း သိရ သည်။
အကြမ်းဖက်စစ်ကောင်စီသည် အရပ်သားပြည်သူများနှင့် ရဟန်းသံဃာတော်များ ဘာသာရေး အ ဆောက်အဦးများကို ရည်ရွယ်ချက်ရှိရှိ တိုက်ခိုက်ခြင်းဖြစ်ပြီး ထိုသို့ တိုက်ခိုက်မှုအတွင်း လူထု ထိခိုက် မှုမရှိသော်လည်း ကျေးရွာထဲသို ဗုံးသီးကျရောက်ပေါက်ကွဲမှုကြောင့် ပြည်သူများစိုးရိမ်ထိတ်လန့်နေ ကြရ ကြောင်း သိရသည်။
ထိုအပြင် နံနက် ၁၁ နာရီခွဲဝန်းကျင်တွင် အကြမ်ဖးက်စစ်ကောင်စီတပ်သည် မိုင်တိုင် အမှတ် ၅ မှ တအာင်းအမျိုးသားလွတ်မြောက်ရေးတပ်မတော် PSLF/TNLA တည်ရှိရာသို့ ထိုးစစ်ဆင်လာခဲ့ရာ မိုင် တိုင်အမှတ် ၇ အောက်ပိန်းပြစ်နှင့် အထက်ပိန်းပြစ်ရွာကြားတွင် နှစ်ဖက်ထိတွေ့တိုက်ပွဲဖြစ် ခဲ့ ကြောင်း သိရသည်။
D Day News
