စစ်ကိုင်းမြို့နယ်တွင် ကြေးနီကားများကို လုံခြုံရေး ယူပေးသည့် စစ်ကားနှင့် မိုင်းရှင်းနေသော စစ် သားများကို မိုင်းဆွဲ တိုက်ခိုက်မှု ၉ ဦး သေဆုံး
D Day News
ဇွန်လ ၁၀
စစ်ကိုင်းတိုင်း၊ စစ်ကိုင်းမြို့နယ်တွင် ကြေးနီကားများကို လုံခြုံရေး ယူပေးသည့် စစ်ကားနှင့် မိုင်းရှင်း နေသော စစ်သားများကို မိုင်းဆွဲ တိုက်ခိုက်ရာ ၉ ဦးသေဆုံးခဲ့ကြောင်း နယ်စည်းမခြား စစ်ကိုင်သား အဖွဲ့ထံမှ သိရသည်။
ဇွန်လ ၆ ရက်နေ့တွင် နံနက်ပိုင်းတွင် မုံရွာမြို့နယ် ကြေးနီမိုင်းမှ ထွက်လာသည့် ကြေးနီများ သယ် ဆောင်လာသော ကားများနှင့် လုံခြုံရေး ယူပေးရန် လိုက်ပါလာသည့် စစ်ကားများကို စစ်ကိုင်းမြို့ နယ် အုန်းတောရွာနှင့် နက်ခရိုင်းရွာ အကြားအရောက် မိုင်းဆွဲ တိုက်ခိုက်ခဲ့ရာ အကြမ်းဖက်စစ်သား များလိုက်ပါလာသည့် ၁၁ စီးမြောက်ကို ထိမှန်ကာ စစ်သား ၈ ဦး သေ ဆုံးခဲ့ကြောင်း သိရသည်။
ထိုသို့ မိုင်းဆွဲ တိုက်ခိုက်မှု ဖြစ်ခဲ့သည့် နေရာကို အကြမ်းဖက် စစ်တပ်က မိုင်းရှင်းရန် အိမ်စီးကား ၃ စီးဖြင့် ရောက်ရှိလာစဉ် တော်လှန်ရေး တပ်ဖွဲ့များက ထပ်မံ မိုင်းဆွဲ တိုက်ခိုက်ရာ အကြမ်းဖက် စစ် ကောင်စီ တပ်သား ၁ ဦး သေဆုံးပြီး ၃ ဦး ထိခိုက်ဒဏ်ရာရရှိခဲ့ကြောင်း သိရသည်။
“မိုင်းဆွဲ တိုက်ခိုက်မှုကြောင့် သေဆုံး၊ ဒဏ်ရာရ စခတွေကို နာရေးကား ၂ စီးနဲ့ သယ်ဆောင်သွား တယ်။ မိုင်းထိပြီး ကျန်ခဲ့ကားကိုတော့ ညနေပိုင်းမှာ လာပြင်ပြီး ပြန်ယူသွားတယ်။ မိုင်းရှင်း ဖို့ အိမ်စီး ကား ၃ စီး နဲ့ လာတဲ့ စခတွေကို မိုင်းဆွဲတာတော့ ၁ ဦးသေပြီး ၃ ဦးဒဏ်ရာရတယ်လို့ အတည်ပြုနိုင် တယ်” ဟု နယ်စည်းမခြား စစ်ကိုင်သားအဖွဲ့မှ တာဝန်ရှိသူ တစ်ဦးက ပြောဆိုသည်။
အဆိုပါ မိုင်းဆွဲ တိုက်ခိုက်မှုများကို နယ်စည်းမခြား စစ်ကိုင်သားများအဖွဲ့နှင့် SGG -Eagle အဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
D Day News
