မြင်းခြံမြို့မှ ထွက်လာသော စစ်တပ် စစ်ယာဉ်တန်းကို မိုင်းဆွဲတိုက်ခိုက်မှု ကာား တစ်စီးပျက်စီး (ရုပ်သံ)
D Day News
ဇွန်လ ၇
မန္တလေးတိုင်း၊ မြင်းခြံမြို့မှ ထွက်လာသော အကြမ်းဖက်စစ်ယာဉ်တန်းကို မိုင်းဆွဲတိုက်ခိုက်ခဲ့ရာ ကား တစ်စီး ပျက်စီးခဲ့ကြောင်း ရွှေဂျိုးဖြူပြည်သူ့ကာကွယ်ရေးတပ်ဖွဲ့ – မြင်းခြံထံမှ သိရသည်။
ယမန်နေ့ ဇွန်လ ၆ ရက် ညနေ ၅ နာရီ မိနစ် ၄၀ အချိန်ခန့်တွင် မြင်းခြံမြို့မှ နဘူးအိုင်ကျေးရွာဘက် သို့ ကား ၅ စီးဖြင့် ထွက်လာသော အကြမ်းဖက်စစ်သားများကို မိုင်းဆွဲတိုက်ခိုက်ခဲ့ရာ ကား တစ်စီးထိ မှန်ခဲ့ပြီး ပျက်စီးသွားကာ အဆိုပါနေရာ၌ ကျန်ရှိနေခဲ့ကြောင်း၊ ကျန်ကားများမှာ မြို့သာမြို့ဘက်သို့ ဆက်လက်မောင်းနှင်သွားကြောင်း သိရသည်။
https://youtu.be/2BRS7lkhhzU
“ကားက ၅ စီးလာတာ။ ၃ စီးကားတန်းကို ဆွဲလိုက်တာ၊ နှစ်စီးက လမ်းမှာ ရပ်ကျန်နေခဲ့လို့။ မိုင်းမထိ တဲ့ကားတွေကတော့ မြို့သာမြို့ဘက်ကို ဆက်မောင်းသွားတယ်။ ခွေးသေထိခိုက်မှုကတော့ အတိ အကျ မသိရဘူး။ မိုင်းထိကျန်နေခဲ့တဲ့ကားကတော့ မနေ့ညက ပြန်ဆွဲယူသွားတယ်” ဟု ရွှေဂျိုးဖြူ ပြည်သူ့ကာကွယ်ရေးတပ်ဖွဲ့ – မြင်းခြံ မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို ရွှေဂျိုးဖြူ-ပြည်သူ့ကာကွယ်ရေးတပ်ဖွဲ့ – မြင်းခြံ ၊ နဂါးနီပြောက်ကျားတပ်ဖွဲ့ မြင်းခြံ ၊ မြင်းခြံခရိုင်တပ်ရင်းအမှတ် – ၆ ၊ တပ်ခွဲ ၃ Special Task Force-NZN နှင့် Youths Of Mandalay – Y.O.M မဟာမိတ်အဖွဲ့များ ပူးပေါင်းကာ တိုက်ခိုက်ခဲ့ခြင်းဖြစ်ပြီး အကြမ်းဖက်စစ်သား များက ရမ်းသမ်းပစ်ခတ်မှုရှိခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန် လည် ဆုတ်ခွာနိုင်ခဲ့ကြောင်း သိရသည်။
D Day News
