NLD News

NLD News

NLD ပါတီ  နာယက သူရဦးတင်ဦး ယနေ့ ကွယ်လွန်

 

D Day News

ဇွန်လ ၁

 

အမျိုးသားဒီမိုကရေစီအဖွဲ့ချုပ်(NLD) နာယက ၊ တပ်မတော်ကာ ကွယ်ရေးဦးစီးချုပ်ဟောင်း သူရ ဦးတင်ဦးသည် ယနေ့ ဇွန်လ ၁ ရက်နေ့တွင် ကွယ်လွန်သွားပြီဖြစ်ကြောင်း အနီးကပ်ပြုစု စောင့် ရှောက်ပေးနေသူများထံမှ သိရသည်။

 

ယနေ့ ဇွန်လ ၁ ရက်နေ့ နံနက် ၈ နာရီ ၄၅ မိနစ် အချိန်တွင် ရန်ကုန်ပြည်သူ့ ဆေးရုံကြီး၌ ဆေးကု သမှုခံယူနေစဉ် ကွယ်လွန် သွားခြင်းဖြစ်ပြီး  အသက် ၉၈ နှစ်အရွယ် ရှိပြီဖြစ်ကြောင်း၊ အဆုတ်ရောင် ဝေဒနာ အပါအဝင် လူကြီးရောဂါဖြင့် ဆေးရုံတက်ရောက်ကုသမှုခံယူစဉ် ကွယ်လွန်ခြင်းဖြစ်ကြောင်း သိရသည်။

 

သူရ ဦးတင်ဦး သည် ၁၉၂၇ ခုနှစ် ၊ မတ်လ ၁၂ ရက်နေ့ တွင် မွေးဖွားခဲ့ပြီး ၁၉၇၄ ခုနှစ် မတ်လ ၈ ရက် နေ့မှ ၁၉၇၆ ခုနှစ်၊ မတ်လ ၆ ရက်နေ့အထိ မြန်မာ့တပ်မတော်၌ တပ်မတော်ကာကွယ်ရေးဦးစီးချုပ် အဖြစ်တာဝန်ထမ်းဆောင်ခဲ့သူဖြစ်ကြောင်း သိရသည်။

 

၁၉၈၈ ခုနှစ် ၈၈၈၈ အရေးတော်ပုံအပြီး အမျိုးသား ဒီမိုကရေစီ အဖွဲ့ချုပ်ကို စတင်တည်ထောင်ခဲ့သူ များ၌ တစ်ဦးအပါအဝင်ဖြစ်ကာ အမျိုးသား ဒီမိုကရေစီ အဖွဲ့ချုပ်ပါတီ၏ ဥက္ကဋ္ဌ တာဝန်ကို ၁၉၈၈ ခုနှစ်၊ ဒီဇင်ဘာလ ၃ ရက်နေ့မှ ၁၉၈၉ ခုနှစ်၊ ဒီဇင်ဘာလ ၂၂ ရက်ထိ ထမ်းဆောင်ခဲ့ကြောင်း သိရ သည်။

 

ထို့နောက် အမျိုးသားဒီမိုကရေစီအဖွဲ့ချုပ် နာယက အဖြစ် တာဝန်ယူခဲ့ပြီး NLDပါတီ၏ အရေးကြီး သော ဦးဆောင်မှု အခန်းကဏ္ဍတွင်ပါဝင်ခဲ့သည့် အငြိမ်းစားဗိုလ်ချုပ်ကြီးဖြစ်ကာ ဩဇာကြီးမားသော နိုင်ငံရေးသမားတစ်ဦးလည်းဖြစ်သည်။

D Day News

မှတ်ချက်များ ပေးခဲ့နိုင်ပါတယ်...
အကြမ်းဖက်စစ်တပ်ကို အပြီးသတ်အနိုင်ယူနိုင်ရေးအတွက် တိုင်းစစ်ဌာန ၁၀ ခုမှ တပ်မှူးကြီးများ အစည်းအဝေးကျင်းပခဲ့ပြီး ရှေ့လုပ်ငန်းစဉ်များကို ချမှတ်

အကြမ်းဖက်စစ်တပ်ကို အပြီးသတ်အနိုင်ယူနိုင်ရေးအတွက် တိုင်းစစ်ဌာန ၁၀ ခုမှ တပ်မှူးကြီးများ အစည်းအဝေးကျင်းပခဲ့ပြီး ရှေ့လုပ်ငန်းစဉ်များကို ချမှတ်

သံလွင်မြန်မာသတင်း ဩဂုတ်လ ၂၉ အကြမ်းဖက်စစ်တပ်ကို အပြီးသတ်အနိုင်ယူနိုင်ရေးအတွက် တိုင်းစစ်ဌာန ၁၀ ခုမှ တပ်မှူးကြီးများ အစည်းအဝေးကိုကျင်းပခဲ့ပြီး ရှေ့လုပ်ငန်းစဉ်များကို ဖော်ထုတ်ချမှတ်နိုင်ခဲ့ကြောင်း NUG ကာကွယ် ရေးဝန်ကြီးဌာနက ထုတ်ပြန်သည်။ ဩဂုတ်လ ၂၃ ရက်၊ ၂၄ ရက် နှင့် ၂၅ ရက်နေ့တို့တွင် အမျိုးသားညီညွတ်ရေးအစိုးရ၊...