ပန်းတောင်းမြို့နယ်၊ ပန်းကန်ကွဲကျေးရွာအနီးရှိ ပွိုင့် ၆၆၆ စစ်တပ်စခန်းကုန်းကို သိမ်းပိုက်ရရှိ၊ စစ်သား အလောင်းအချို့နှင့် လက်နက်ခဲယမ်းများလည်း သိမ်းဆည်းရရှိ (ရုပ်သံ)

သံလွင်မြန်မာသတင်း

အောက်တိုဘာလ ၁၆

ပဲခူးတိုင်း၊ ပန်းတောင်းမြို့နယ်၊ ပန်းကန်ကွဲကျေးရွာအနီးရှိ ပွိုင့် ၆၆၆ စစ်တပ်စခန်းကို သိမ်းပိုက်ရရှိခဲ့ ပြီး စစ်သားအလောင်းအချို့နှင့် လက်နက်ခဲယမ်းများလည်း သိမ်းဆည်းရရှိခဲ့ကြောင်း အာရက္ခတပ် တော် -AA က အောက်တိုဘာလ ၁၅ ရက် ညပိုင်းက ထုတ်ပြန်သည်။

အောက်တိုဘာလ ၁၄ ရက် နံနက် ၉ နာရီ ၅ မိနစ်က ပန်းတောင်းမြိုနယ်၊ ပုဂံဂွေ့ (ပန်းကန်ကွဲ) ကျေး ရွာ တောင်ဘက်၊ ၉ ကီလိုမီတာအကွာအဝေး၌ရှိသော အကြမ်းဖက်စစ်ကော်မရှင်၏ ၆၆၆ ပွိုင့်ကုန်း ကို အာရက္ခတပ်တော်၏ တန်ပြန်ထိုးစစ်အနေဖြင့် စတင်ထိုးစစ်ဆင်တိုက်ခိုက်ခဲ့ကြောင်း သိရသည်။

အဆိုပါ ပွိင့်ကုန်းနှင့် ၎င်းပတ်ဝန်းကျင်တွင် တိုက်ပွဲဖြစ်ပွားနေခဲ့သည်မှာ ကာလအတန်ကြာခဲ့ပြီဖြစ် သော်လည်း အောက်တိုဘာလ ၁၄ ရက်နေ့မှ ထိုးစစ်အရှိန်ကို မြှင့်၍တိုက်ခိုက်ခဲ့ခြင်းဖြစ်ပြီး ၃ နာရီခန့် သုံးဖက်သုံးတန်မှ ထိုးစစ်ဆင်တိုက်ခိုက်ပြီးနောက် သိမ်းပိုက်ရရှိခဲ့ခြင်းဖြစ်ကြောင်း သိရသည်။

ယင်းပွိင့် (၆၆၆) စခန်းတစ်ခုလုံးသိမ်းပိုက်မှုအတွင်း စစ်သားအလောင်းအချို့၊ လက်နက်ခဲယမ်းနှင့် စစ်အသုံးအဆောင်ပစ္စည်းအချို့ကို သိမ်းဆည်းရရှိခဲ့ကြောင်းနှင့်ယင်းထိုးစစ်အတွင်း တိုက်ရည်ခိုက် ရည်ကောင်းမွန်သော အာရက္ခစစ်သည်တော်များနှင့်အတူ ပေးဆပ်စွန့်လွှတ်ခဲ့ရသော အာရက္ခစစ် သည်တော်များကို လေးနက်စွာ မှတ်တမ်းတင်ဂုဏ်ပြုအပ်ပါကြောင်း ထုတ်ပြန်ထားသည်။

Thanlwin Myanmar Media