သံလွင်မြန်မာသတင်း
အောက်တိုဘာလ ၁၂
ကရင်နီပြည်၊ ဖရူဆိုမြို့ပတ်ဝန်းကျင်သို့ စစ်ကြောင်းထိုးလာသည့် အကြမ်းဖက်စစ်တပ်အား နေ့မနား၊ ညမအိပ် ခုခံတိုက်ခိုက်လျက်ရှိကြောင်း KNDF တပ်ရင်း ၁၅ က အောက်တိုဘာလ ၁၀ ရက်နေ့တွင် ထုတ်ပြန်သည်။
ဖရူဆိုမြို့ အခြေစိုက် စစ်ကောင်စီတပ်များအတွင်း စစ်ယာဉ်တန်းကားများ ဖြန့်ခွဲ၍ စုဖွဲ့ထားကာ အမှတ် ၁၄ တန်းမြှင့်စစ်လေ့ကျင့်ရေးကျောင်းအနီးရှိ ကျေးရွာများဘက်သို့ ထွက် ကာ ဘောလခဲ ဘက်သို့ ဦးတည်၍ စစ်ကြောင်းအချို့ လှုပ်ရှားမှုများနေသောကြောင့် ထိတွေ့တိုက်ပွဲ များ မကြာ ခဏဖြစ်ပွားလျက်ရှိကြောင်း သိရသည်။
“စစ်ရေးပြင်းထန် နေသောကာလဖြစ်၍ အကြမ်းဖက်စကမ ၏ ထိုးစစ်ကို နေ့မနား၊ညမအိပ် ခုခံ ကာကွယ်ပေးနေသော ရှေ့တန်းရဲဘော်များ။ အကြမ်းဖက် စကမ မှ ဖရူဆိုမြို့ပတ်ဝန်းကျင်ဒေသသို့ သာလွန်အင်အား၊ လက်နက်ကြီး၊ လေ ကြောင်းတို့ဖြင့် အပြင်းအထန် ထိုးစစ်ဆင်လာနေပါသဖြင့် မိဘပြည်သူများ သတိဝိရိယဖြင့် သွား လာပေးကြပါရန် မေတ္တာရပ်ခံအပ်ပါသည်။” ဟု KNDF တပ်ရင်း ၁၅ က ပြောဆိုကာ ဓာတ်ပုံသတင်းထုတ်ပြန်ထားခြင်းဖြစ်သည်။
ဒီးမော့ဆို ၊ဖရူဆိုနှင့် လွိုင်ကော်မြို့နယ်တို့တွင် တိုက်ပွဲများဖြစ်ပွားနေသောကြောင့် ပြည်သူများ အနေဖြင့် လက်နက်ကြီး၊ ဒရုန်း နှင့် လေကြောင်း တိုက်ခိုက်မှုအန္တရာယ်များကို သတိရှိကြရန်နှင့် တိုက်ပွဲဖြစ်ပွားနေသောဒေသများသို့ မလိုအပ်ပါက ခရီးသွားလာခြင်း များ မပြုလုပ်ကြရန် KNDF ဗဟိုက အထူးတိုက်တွန်းထားသည်။
Thanlwin Myanmar Media
