သံလွင်မြန်မာသတင်း
အောက်တိုဘာလ ၁၁
မကွေးတိုင်း၊ မင်းဘူးခရိုင်၊ စလင်းမြို့နယ်၊ လင်းဇင်းရဲစခန်းကို ဝင်ရောက်တိုက်ခိုက်ခဲ့ရာ စစ်သား၊ ရဲ ထိခိုက် သေဆုံးမှုများပြားပြီး လေကြောင်းပစ်ကူကြောင့် တော်လှန်ရေးတပ်ဖွဲ့ဝင်တစ်ဦး ကျဆုံးခဲ့ သဖြင့် ပြန်လည် ဆုတ်ခွာခဲ့ရခြင်းဖြစ်ကြောင်း မင်းဘူးခရိုင်အမှတ် ၅ တပ်ရင်းထံမှ သိရသည်။
အောက်တိုဘာလ ၈ ရက်နေ့ နံနက် ၅ နာရီခန့်က စလင်းမြို့နယ်၊ လင်းဇင်းတိုက်နယ်ရဲစခန်းအား ပြည်သူ့ကာကွယ်ရေးတပ်ဖွဲ့များပူးပေါင်းပြီး ဒရုန်းဖြင့် စတင်ဗုံးကြဲတိုက်ခိုက်၍ မြေပြင်မှ ထိုးစစ်ဆင် တိုက်ခိုက်ခဲ့ရာ ဒရုန်းဖြင့် စတင် တိုက်ခိုက်ခဲ့ရာ လင်းဇင်း တိုက်နယ် ရဲစခန်း ဘိုတဲကုန်းထိ ရရှိခဲ့ ကြောင်း သိရသည်။
နံနက် ၉ နာရီ ၃၄ မိနစ်တွင် လင်ဇင်း အဝင် ကုက္ကိုပင်အောက်ရှိ စစ်တပ်ဘန်ကာ တစ်လုံး ကျန်ရှိနေ သဖြင့် ဆက်လက် တိုက်ခိုက်နေစဥ် မကွေး လေတပ်မှ တက်လာသော ဂျက်ဖိုက်တာဖြင့် ဗုံးကျဲတိုက် ခိုက်၍ စက်လက်ဖြင့် ၃ ကြိမ်ပစ်ခတ်တိုက်ခိုက်ခဲ့ကြောင်း၊ ထို့နောက် နံနက် ၁၁ နာရီ ၄၀ မိနစ်တွင် လည်း လေကြောင်းဖြင့် ၂ ကြိမ် ထပ်မံတိုက်ခိုက်ခဲ့ကြောင်း သိရသည်။
ထိုသို့ လေကြောင်းဖြင့် တိုက်ခိုက်မှုအတွင်း ပြည်သူ့ကာကွယ်ရေး တပ်ဖွဲ့ဝင်တစ်ဦး ကျဆုံးကာ ၃ ဦး မစိုးရိမ်ရ ဒဏ်ရာရရှိခဲ့သဖြင့် ပြန်လည်ဆုတ်ခွာခဲ့ရခြင်းဖြစ်ပြီး အကြမ်းဖက်စစ်ကောင်စီတပ်ဘက်မှ လည်း အများအပြား ထိခိုက်သေဆုံးမှုရှိခဲ့ကြောင်း သိရသည်။
အဆိုပါ တိုက်ခိုက်မှုကို မင်းဘူးခရိုင် အမှတ် ၅ တပ်ရင်း တပ်ခွဲ ၂ က ဦးဆောင်၍ မင်ဘူးခရိုင် အမှတ် ၅ တပ်ရင်း ဒရုန်းအဖွဲ့ ၊ စလင်း ပလဖ ၊ ဒေါင်းညီနောင် မြိုပြပျောက်ကြားအဖွဲ့ နှင့် မင်းဘူးခရိုင် ပကဖ ထုတ်လုပ်ရေးအဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
မင်းဘူးခရိုင်တပ်ရင်း ၅ အနေဖြင့် စစ်မှန်သော ဖက်ဒရယ်ဒီမိုကရေစီ စနစ်ပေါ်ထွန်းရေးနှင့် စစ်အာ ဏာရှင်စနစ်အဆုံးသတ်နိုင်ရေးအတွက် အခြားတော်လှန်ရေးအဖွဲ့အစည်းများနှင့်အတူ ဆက်လက် ကြိုးစားတိုက်ပွဲဝင်သွားမည်ဖြစ်ကြောင်း အသိပေးထားသည်။
Thanlwin Myanmar Media
