ချောင်းဦးမြို့နယ်၊ မုံရွာ-မန္တလေးလမ်းမပေါ်ရှိ သံလွင်မြန်မာဆီဆိုင်၌ ကင်းယူနေသော စစ်သားများ ကို ဝင်ရောက်တိုက်ခိုက်မှု စစ်သား ၃ ဦးသေဆုံးပြီး လက်နက် ၃ လက်နှင့်ခဲယမ်းများ သိမ်းဆည်းရရှိ

သံလွင်မြန်မာသတင်း

အောက်တိုဘာလ ၁၀

စစ်ကိုင်းတိုင်း၊ ချောင်းဦးမြို့နယ်၊ မုံရွာ-မန္တလေးလမ်းမပေါ်ရှိ သံလွင်မြန်မာဆီဆိုင်၌ ကင်းယူနေ သော စစ်သားများကို ဝင်ရောက်တိုက်ခိုက်ခဲ့ရာ စစ်သား ၃ ဦးသေဆုံးပြီး လက်နက် ၃ လက်နှင့် ခဲယမ်းများ သိမ်းဆည်းရရှိခဲ့ကြောင်း ချောင်းဦးမြို့နယ် ပကဖ တိုက်ခိုက်ရေးတပ် CHU PDF ထံမှသ သိရသည်။

ယနေ့ အောက်တိုဘာလ ၁၀ ရက် နံနက် ၇ နာရီ ၁၀ မိနစ်က ချောင်းဦးမြို့နယ်၊ မုံရွာ -မန္တလေး လမ်း မပေါ်ရှိ အသုံးမပြုတော့သော သံလွင်မြန်မာဆီအဟောင်း၌ အကြမ်းဖက်စစ်ကော်မရှင် ယာဉ်တန်း လုံခြုံရေးကင်းယူနေသည့် အကြမ်းဖက် စစ်သား ၄ ဦးကို ပြည်သူ့ကာကွယ်ရေးတပ်ဖွဲ့ဝင်များက ဝင် ရောက်တိုက်ခိုက်ခဲ့ကြောင်း သိရသည်။

“ချောင်းဦးမြို့နဲ့မလှမ်းမကမ်းမှာရှိတဲ့ အသုံးမပြုတော့တဲ့ သံလွင်မြန်မာလို့ ခေါ်တဲ့ ဆီဆိုင်မှာ ကင်းယူ ထားတာ၊ သူတို့က ကင်းအရှင်ယူတာ၊ တပ်စွဲထားတာမဟုတ်ဘူး။ လမ်းကြောပေါ်မှာ လှုပ်ရှားမှုရှိတဲ့ အခါ၊ ယာဉ်တန်းရှိတဲ့အခါတိုင်း အဲဒီနေရာမှာ ကင်းတက်ယူတာ။ ၄ ဦးပဲရှိတာ၊ ရဲဘော်တွေအားလုံး အေးအေးဆေးဆေးပါပဲ” ဟု ချောင်းဦးမြို့နယ် ပကဖ တိုက်ခိုက်ရေးတပ် CHU PDF မှ တာဝန်ရှိသူ တစ်ဦးက ပြောကြားသည်။

ယင်းတိုက်ခိုက်မှုအတွင်း စစ်သားအလောင်း ၃ လောင်း၊ ဆိုင်ကယ် ၄ စီး၊ BA 63 အမျိုးအစား သေ နတ် ၃ လက်၊ ၉ မမ ကျည် ၄၉၄ တောင့်၊ ၇.၆၂ မမ ကျည် ၆၅၂ တောင့်၊ ကျည်ကာဦးထုပ် ၃ လုံး၊ BA 63 ကျည်ဘောက် ၁၀ ခု၊ BA 94 ကျည်ဘောက် ၃ ခု၊ လက်ပစ်ဗုံး ၁ လုံး နှင့် လက်ကိုင်ဖုန်း ၄ လုံးတို့ သိမ်းဆည်းရရှိခဲ့ကြောင်း သိရသည်။

အဆိုပါ တိုက်ခိုက်မှုကို ချောင်းဦးမြို့နယ် ပကဖ တိုက်ခိုက်ရေးတပ် CHU PDF နှင့် Special Force 11 (LPDF) တို့ ပူးပေါင်းကာ လုပ်ဆောင်ခြင်းဖြစ်ပြီး တော်လှန် ရေး ရဲဘော်များ ဘေးအန္တရာယ်ကင်း စွာ ပြန်လည်ဆုတ်ခွာနိုင်ခဲ့ကြောင်း သိရသည်။

Thanlwin Myanmar Media