သံလွင်မြန်မာသတင်း
အောက်တိုဘာလ ၇
ရှမ်းပြည်နယ်မြောက်ပိုင်း၊ မိုင်းလုံမြို့နယ်၊ မန်ဟုန်းကျေးရွာကို အကြမ်းဖက်စစ်ကောင်စီတပ်က လေ ကြောင်းဖြင့် ဗုံးကြဲတိုက်ခိုက်ခဲ့ရာ အသက် ၂ နှစ်အရွယ် ကလေးငယ် ၁ ဦးအပါအ၀င် ပြည်သူ ၉ ဦး သေဆုံးခဲ့ကြောင်း TNLA သတင်းနှင့်ပြန်ကြားရေးဌာနက ထုတ်ပြန်သည်။
ယနေ့ အောက်တိုဘာလ ၇ ရက် မွန်းတည့် ၁၂ နာရီ ၃၀ မိနစ်က တအာင်းပြည်၊ တပ်မဟာ ၁ နယ် မြေ၊ မိုင်းလုံမြို့နယ် ၊ မန်ဟုန်းကျေးရွာကို စစ်ကောင်စီတပ်မှ လေကြောင်းဖြင့် ပေါင် ၂၅၀ ဗုံး ၂ လုံး ကြဲတိုက်ခိုက်ခဲ့ကြောင်း သိရသည်။
ထိုသို့ ဗုံးကြဲတိုက်ခိုက်မှုကြောင့် အသက် ၃၇ နှစ်အရွယ် ဦးအိုက်ဆန်ကြာ၊ အသက် ၃၅ နှစ်အရွယ် ဦးစံပွင့်၊ အသက် ၂၉ နှစ်အရွယ် ဦးစိုင်းအောင်ဆာ၊ အသက် ၂၇ နှစ်အရွယ် ဦးအိုက်ထက်၊ အသက် ၄၅ နှစ်အရွယ် ဒေါ်အုန်းခင်၊ အသက် ၂၅ နှစ်အရွယ် ဒေါ်လှစိန်၊ အသက် ၃၉ နှစ်အရွယ် ဒေါ်အေးမေ၊ အ သက် ၂၉ နှစ်အရွယ် ဒေါ်ခင်ပ၊ အသက် ၂၂ နှစ်အရွယ် ဒေါ်အေးတိတ်နှင့် အသက် ၂ နှစ်အရွယ် မောင် အိုက်ဦး တို့ သေဆုံးခဲ့ပြီး ပြည်သူ ၃ ဦးထိခိုက်ဒဏ်ရာ ရရှိခဲ့ကြောင်း သိရသည်။
အလားတူ ယနေ့ နံနက် ၇ နာရီ ၃၃ မိနစ်ကလည်း နမ္မတူမြို့၊ ရပ်ကွက် ၈ရှိ ပုဗ္ဗာရုံဘုန်းကြီး ကျောင်း ကို အကြမ်းဖက်စစ်တပ်က ရည်ရွယ်ချက်ရှိရှိ ဦးတည်၍ ဂျက်ဖိုက်တာဖြင့် ပေါင် ၅၀၀ ဗုံးကြဲ တိုက် ခိုက်ခဲ့ရာ ဘုန်းကြီးကျောင်းဆောင်ပျက်စီးခဲ့ကြောင်း သိရသည်။
ထိုကြောင့် မိဘပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများရှောင်ရှားနိုင်ရန် စစ်ရေး သတိ အမြဲရှိရန်လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန် ကာကွယ်ရေးဆိုင်ရာ နည်း လမ်းများ လိုက်နာဆောင်ရွက်ရန်လိုအပ်ပါကြောင်း အသိပေးထားသည်။
စစ်ကောင်စီတပ်သည် တအာင်းပြည်အတွင်းသာမက တိုင်းရင်းသားလက်နက်ကိုင်များ၊ ပြည်သူ့ ကာကွ ယ်ရေးတပ်ဖွဲတိုမှ တိုက်ခိုက်သိမ်းပိုက်ရရှိခဲ့သောနေရာများတွင် လူဖြင့်သော်လည်း ကောင်း၊ လက်နက်ကြီးဖြင့်သော်လည်းကောင်း၊ ဒရုန်းဖြင့်သော်လည်းကောင်း၊ လေကြောင်းဖြင့်သော်လည်း ကောာင်း အပြစ်မဲ့ပြည်သူလူထုများအပေါ် ပစ်မှတ်ထားတိုက်ခိုက်ကာ စစ်ရာဇဝတ်မှုကျူးလွန် လျက်ရှိကြောင်း TNLA သတင်းနှင့်ပြန်ကြားရေးဌာနက ထုတ်ပြန်ထားသည်။
Thanlwin Myanmar Media
