သံလွင်မြန်မာသတင်း
အောက်တိုဘာလ ၇
တော်လှန်ရေးအပေါ် ရှေးရှု၍ အဝေဖန်ခံရဆုံး NUG အစိုးရ ၊ တာဝန်ရှိပုဂ္ဂိုလ်အချို့သည် အမှန်တ ကယ်အလုပ်လုပ်နေကြသူများဖြစ်ကြောင်း ရေဘဝဲ (ပြည်သူ့အကျိုးပြု လူငယ်အဖွဲ့အစည်း) က ထုတ်ပြန်သည်။
အမျိုးသားညီညွှတ်ရေးအစိုးရ- NUG နှင့် ပတ်သက်၍ ရေဘဝဲ (ပြည်သူ့အကျိုးပြု လူငယ်အဖွဲ့ အ စည်း) ၏ သဘောထားကို ထုတ်ဖော်ပြောဆိုခြင်းသည် ပထမဆုံးအကြိမ်ဖြစ်ကြောင်း အသိပေး ထားသည်။
“တော်လှန်ရေးအပေါ်ရှေးရှုပြီး လူထု၊ တတ်သိပညာရှင်တွေနဲ့ မီဒီယာတွေရဲ့ အကြံပြု၊ ဝေဖန်အခံ ရဆုံး အမျိုးသားညီညွှတ်ရေးအစိုးရရဲ့ တာဝန်ရှိပုဂ္ဂိုလ်အနည်းစုဟာ တကယ် အလုပ်လုပ်နေကြသူ တွေပါ။ တကယ်အလုပ်လုပ်နေသူတွေကမှ အလုပ်ရဲ့သဘောတရား၊ အတွေးအမြင်တွေ ထွက်ပေါ် လာပြီး ထွက်ပေါ်လာတဲ့ရလဒ်ကိုမှ လူထု၊ တတ်သိပညာရှင်တွေနဲ့ မီဒီယာတွေက အတွေးအမြင်စုံ၊ ရှုထောင့်မျိုးစုံကနေ ကြိုက်၏၊ မကြိုက်၏ ကိုအကြံပြု၊ ဝေဖန်ကြတာပဲဖြစ်ပါတယ်။ ဒီနေရာမှာ ဘာ အလုပ်မှမလုပ် (သို့) ရလဒ်တခုခုထွက်မလာရင် လူထု၊ တတ်သိပညာရှင်တွေနဲ့ မီဒီယာတွေ အနေနဲ့ ဘာတခုမှ အကြံပြုဝေဖန်လို့ရမှာမဟုတ်ပါဘူး။” ဟု ရေဘဝဲ (ပြည်သူ့အကျိုးပြု လူငယ်အဖွဲ့အစည်း) က ပြောဆိုထားသည်။
အမျိုးသားညီညွတ်ရေး ပြုပြင်ပြောင်းလဲရေး လုပ်ဆောင်ပါက ပါဝင်လာသည့် သူများသည် တော်လှန် ရေးကာလအတွင်း အမှန်တကယ်အလုပ်လုပ်နေသောကြောင့် ပါဝင်လားခြင်း ဟုတ်မဟုတ်၊ အလုပ် မလုပ်သော်လည်း သိနေခြင်း ဟုတ်မဟုတ် စိစစ်ရန် လိုအပ်ပါကြောင်း အကြံပြုထားသည်။
“အစိုးရကိုပြုပြင်ပြောင်းလဲရေးတို့ ပြင်ဆင်ရေးတို့လုပ်ကြတဲ့အခါမှာ အမျိုးသားညီညတ်ရေး အစိုးရ တာဝန်ရှိသူတွေဟာ ဘယ်သူတွေလဲ၊ စာရင်းထဲမှာ ပါပေမဲ့ လူထု၊ တတ်သိပညာရှင်တွေနဲ့ မီဒီယာ တွေကရော သူတို့ကို သိကြရဲ့လား။ သိတယ်၊ မသိဘူးအပိုင်းမှာလည်း တော်လှန်ရေးကာလအတွင်း အလုပ်လုပ်နေလို့သိတာလား၊ အလုပ်မလုပ်နေလို့ သိတာလား၊ အစရှိသဖြင့် စနစ်တကျစီစစ်ဖို့ လေး စားစွာအကြံပြုပါတယ်။” ဟု ရေဘဝဲ (ပြည်သူ့အကျိုးပြု လူငယ်အဖွဲ့အစည်း) က တိုက်တွန်းထားသည်။
Thanlwin Myanamr Media
