သံလွင်မြန်မာသတင်း
အောက်တိုဘာလ ၆
စစ်ကိုင်းတိုင်း၊ မုံရွာမြို့ပေါ်တွင် ဆက်ကြေးကောက်နေသော ရဲများကို တိုက်ခိုက်ခဲ့ရာ အရာရှိ ၃ ဦး အပါအဝင် ၄ ဦးသေဆုံးပြီး လက်နက် ၃ လက်သိမ်းဆည်းရရှိခဲ့ကြောင်း မုံရွာမြို့နယ်ပြည်သူ့လုံခြုံရေး အဖွဲ့ -ပလဖ က ထုတ်ပြန်သည်။
အောက်တိုဘာလ ၄ ရက် နံနက်ပိုင်းက မုံရွာမြို့၊ သာစည်လမ်းနှင့် အက်တောအဝိုင်းပတ်၌ ပြည်သူ များထံမှ ပါလာသည့် ပစ္စည်းများကို အိမ်စီးကား တစ်စီးဖြင့် အတင်းအဓမ္မ ဆက်ကြေးကောက် နေ သည့် ရဲများကို တော်လှန်ရေးတပ်ဖွဲ့ဝင်များက ဝင်ရောက်ပစ်ခတ်တိုက်ခိုက်ခဲ့ရာ အပြန်အလှန်ပစ် ခတ်တိုက်ပွဲ မိနစ်အနည်းငယ်ခန့်ကြာမြင့်ခဲ့ကြောင်း သိရသည်။
ယင်းတိုက်ခိုက်မှုအတွင်း ရဲအရာရှိ ၃ ဦးနှင့် ရဲတပ်သား ၁ ဦးတို့ သေဆုံးပြီး ၎င်းတို့ကိုင်ဆောင်သော BA. 63 (ခေါ်) G3 အမျိုးအစား သေနတ် ၂ လက် နှင့် ၉မမ ပစ္စတို သေနတ် ၁ လက်သိမ်းဆည်းရရှိခဲ့ ကြောင်း သိရသည်။
အဆိုပါ တိုက်ခိုက်မှုကို မုံရွာမြို့နယ် ပြည်သူ့လုံခြုံရေးအဖွဲ့ (မုံရွာမြို့နယ်-ပလဖ) ၊ ကျောင်းသားတပ် တော် (SAF) ၊ မုံရွာခရိုင်တပ်ရင်း ၂ ၊ ခွဲ (၁) ရွာဇော်ကြီးတော်လှန်သံ နှင့် Budalin Mobile Team တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပြည်သူ့ကာကွယ်ရေးတပ်ဖွဲ့ဝင်များ အထိအခိုက် မရှိ ပြန်လည် ဆုတ်ခွာနိုင်ခဲ့ကြောင်း သိရသည်။
Thanlwin Myanmar Media
