ပခုက္ကူမြို့နယ်၊ အင်ပင်ရွာတောင်ဘက်၌ တပ်စွဲထားသော စစ်တပ်ဂိတ်စခန်းကို ရော့ကတ် လက်နက်ကြီးဖြင့် တိုက်ခိုက်မှု စစ်သားများ ထိခိုက်သေဆုံးမှုရှိ (ရုပ်သံ)

သံလွင်မြန်မာသတင်း

စက်တင်ဘာလ ၂၃

မကွေးတိုင်း၊ ပခုက္ကူမြို့နယ်၊ အင်ပင်ရွာတောင်ဘက်၌ တပ်စွဲထားသော အကြမ်းဖက်စစ်တပ်ဂိတ် စခန်းကို ရော့ကတ်လက်နက်ကြီးဖြင့် ပစ်ခတ်တိုက်ခိုက်ခဲ့ရာ စစ်သားများ ထိခိုက်သေဆုံးမှုရှိကြောင်း Cobra One တပ်ဖွဲ့က ထုတ်ပြန်သည်။

ယမန်နေ့ စက်တင်ဘာလ ၂၂ ရက် မွန်းတည့် ၁၂ နာရီခန့်က ပခုက္ကူမြို့နယ် ၊ အင်ပင်ကျေးရွာ တောင် ဘက်၌ ဂိတ်စခန်းဖွင့်ကာ အထိုင်ချတပ်စွဲထားသည့် စစ်သားများသည် စစ်ကြောင်းထိုးရန် စစ်အား ဖြင့်တင်းထားပြီး ပြင်ဆင်နေစဉ် ပြည်သူ့ကာကွယ်ရေးတပ်ဖွဲ့ဝင်များက Rocket လက်နက်ကြီးဖြင့် ၃ လုံး ပစ်ခတ်တိုက်ခိုက်ခဲ့ရာ တည့်မတ်စွာ ကျရောက်ပေါက်ကွဲခဲ့ပြီး စစ်သားအများအပြား ထိခိုက် သေ ဆုံးမှုရှိခဲ့ကြောင်း သိရသည်။

ထိုသို့ အထိနာသော အကြမ်းဖက်စစ်တပ်က လက်နက်ကြီးများဖြင့် ရမ်းသမ်းပစ်ခတ်ခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

အဆိုပါ တိုက်ခိုက်မှုကို ပခုက္ကူမြို့နယ်-ပကဖ တပ်ရင်း ၁ ၊ပခုက္ကူမြို့နယ်-ပကဖ လက်နက်ကြီးတပ်ဖွဲ့ COBRA ONE နှင့် BURMA REVOLUTION RUNGERS တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ် ကြောင်း သိရသည်။

ယင်းအကြမ်းဖက်စစ်ကြောင်းသည် ညနေပိုင်းတွင် စစ်ကြောင်းထွက်ပြီး စစ်ဘေးရှောင်တဲများကို မီး ရှို့ဖျက်ဆီးသွားကြောင်း၊ ထို့အပြင် ယနေ့ စက်တင်ဘာလ ၂၃ ရက် နံနက်ပိုင်းတွင် အင်ပင်ရွာစစ်တပ် စခန်းမှ လက်နက်ကြီး ၂ လုံးဖြင့် ရမ်းသမ်းပစ်ခတ်ခဲ့သည့်အပြင် စက်တပ်လေထီး ၂ စီးဖြင့် ဗုံးသီး ၂ လုံး ကျဲချခဲ့ကြောင်း သိရသည်။

အကြမ်းဖက်စစ်တပ်က အပြစ်မဲ့ပြည်သူလူထုကို ပစ်မှတ်ထားကာ လေကြောင်း၊ လက်နက်ကြီးများ ဖြင့် တိုက်ခိုက်လျက်ရှိသောကြောင့် မိဘပြည်သူများအနေဖြင့် စစ်ရေးသတင်းများအားအထူး ဂရုစိုက် ၍ နေထိုင်ပေးကြပါရန် Cobra One တပ်ဖွဲ့က ထုတ်ပြန်ထားသည်။

Thanlwin Myanmar Media