သံလွင်မြန်မာသတင်း
စက်တင်ဘာလ ၂၂
စစ်ကိုင်းတိုင်း၊ တမူးခရိုင်၊ မြို့သစ်မြို့နယ်တွင် စစ်တပ်က တောင်းသည့် စစ်မှုထမ်းကြေး ၁၁ သိန်း မပေးနိုင်သဖြင့် စစ်တပ်အတွင်းဝင်ရောက်တာဝန်ထမ်းဆောင်ခဲ့ရသူ စစ်မှုထမ်းတပ်သား ဒုတပ်ကြပ် တစ်ဦး အလင်းဝင်ခဲ့ကြောင်း တမူးခရိုင် အမှတ် ၂ တပ်ရင်းက ထုတ်ပြန်သည်။
ဩဂုတ်လ ၃ ရက်နေ့က မြို့သစ်မြို့နယ်၊ ကျွန်းပင်သာရွာ၌ ခမရ ၃၄၇ ၊ ကသည်းတပ်၊ SNA တပ်တို့ ဖြင့် အခိုင်အမာ အခြေပြုတပ်စွဲထားပြီး စစ်ကောင်စီ၏ ခ.မ.ရ ၃၄၇ မှ စစ်မှုထမ်းတပ်သား ဒု-တပ် ကြပ် သန့်ဇင်ဦးသည် MA-11 အမျိုးအစား သေနတ် ၁ လက်၊ ကျည် ဘောက် ၁ ခု၊ ၅.၅၆ ကျည် ၂၅ တောင့်တို့ နှင့်အတူ အလင်းဝင်ခဲ့ခြင်းဖြစ်ကြောင်း သိရသည်။
အလင်းဝင်ရောက်ခဲ့သော စစ်မှုထမ်းတပ်သားသည် စစ်တပ်ကတောင်းသည့် စစ်မှုထမ်းကြေး ငွေ ကျပ် ၁၁ သိန်းမပေးနိုင်သဖြင့် စစ်တပ်အတွင်း ဝင်ရောက်ခဲ့ရသူဖြစ်ပြီး စစ်မှုထမ်းသင်တန်းအပတ်စဉ် ၁/၂၀၂၄ ကို တက်ရောက်ခဲ့ရသူဖြစ်ကြောင်း၊ အကြမ်းဖက်စစ်တပ်ကို ပြည်သူများက ထောက်ခံမှု မရှိ သလောက်နည်းသည်ကို သိရှိသဖြင့် အချိန်အလွန်ခင် အလင်းဝင်ရန် ဆုံးဖြတ်ခဲ့ခြင်းဖြစ်ကြောင်း သိရ သည်။
ထိုသို့ လက်နက်ခဲယမ်းများနှင့်အတူ အလင်းဝင်လာသည့် ဒု-တပ်ကြပ် သန့်ဇင်ဦးကို တမူးခရိုင်၊ အ မှတ် ၂ တပ်ရင်းမှ ငွေကျပ် သိန်း ၅၀ တိတိကို ဂုဏ်ပြုဆုငွေ ချီးမြှင့်ပေးအပ်ခဲ့ပြီး ၎င်းဖြစ်ချင်သည့် ဆန္ဒအတိုင်း ဆက်လက်လုပ်ဆောင်ပေးသွားမည် ဖြစ်ကြောင်း အသိပေးထားသည်။
ယခုကဲ့သို့ အကြမ်းဖက်စစ်တပ်၏ လက်အောက်မှ ရုန်းထွက်ကာ တော်လှန်ရေးတပ်ဖွဲ့များထံ ပူး ပေါင်း ချင်သူများကို ဝမ်းမြောက်ဝမ်းသာစွာ ကြိုဆိုလျက်ရှိကြောင်း တမူးခရိုင် အမှတ် ၂ တပ်ရင်းက ထုတ်ပြန်ထားသည်။
Thanlwin Myanmar Media
