သံလွင်မြန်မာသတင်း
စက်တင်ဘာလ ၁၁
တနင်္သာရီတိုင်း၊ ပုလောမြို့နယ်၊ ထမင်းမစားကျေးရွာသို့ ပြန်လည် စစ်ကြောင်းထိုးဝင်ရောက်လာ သော အကြမ်းဖက်စစ်သား၊ ပျူများကို တိုက်ခိုက်ခဲ့ရာ ၁၅ ဦးထက်မနည်းသေဆုံးခဲ့ကြောင်း KNU ဗဟိုက ထုတ်ပြန်သည်။
စက်တင်ဘာလ ၉ ရက်နေ့က ပုလောမြို့နယ်၊ ထမင်းမစားကျေးရွာတပ်စခန်းကို ပြန်လည် ထိန်းချုပ် နိုင်ရေး အတွက် တန်ပြန်စစ်ကြောင်းထိုးလာသော အကြမ်းဖက်စစ်သားများကို ကရင်အမျိုးသား လွတ်မြောက်ရေးတပ်မတော် K.N.L.A ၊ KNDO ဦးဆောင်မှုအောက်ရှိ တော်လှန်ရေးပူးပေါင်း တပ်ဖွဲ့ များက တိုက်ခိုက်ခဲ့ရာ အကြမ်းဖက်စစ်သား၊ ပျူစောထီး ၁၅ ဦးထက်မနည်းသေဆုံးပြီး စက် တင်ဘာ လ ၁၀ ရက်နေ့တွင် ပြန်လည်ဆုတ်ခွာသွားကြောင်း သိရသည်။
စက်တင်ဘာလ ၈ ရက် နံနက် ၇ နာရီခန့်က ကေအဲန်ယူ-ကရင်အမျိုးသားအစည်းအရုံး၊ ကော်သူးလေ အုပ်ချုပ်နယ်မြေ၊ မြိတ်-ထားဝယ်ခရိုင်၊ လယ်မူလားမြို့နယ် (ပုလော) ၊ ထမင်းမစားကျေးရွာ စာသင် ကျောင်း၌ တပ်စွဲထားသော အကြမ်းဖက်စစ်တပ်စခန်းကို K.N.L.A ကရင်အမျိုးသားလွတ်မြောက်ရေး တပ်မတော်၊ တပ်မဟာ ၄ လက်အောက်ခံ KNDO တပ်ရင်း ၇ ၊ တပ်ခွဲ ၂ ၊ တပ်ခွဲ ၅ ၊ KNLA အထူး တပ်ဖွဲ့၊ ပုလောပြည့်သူ့ကာကွယ်ရေးတပ်ဖွဲ့နှင့် တော်လှန်ရေးပူးပေါင်းတပ်ဖွဲ့များ တိုက်ခိုက် သိမ်း ပိုက်နိုင်ခဲ့ကြောင်း သိရသည်။
Photo – KNDO တပ်ရင်း ၇ ၊ တပ်ခွဲ ၂ ၊ တပ်ခွဲ ၅ ၊ KNLA အထူးတပ်ဖွဲ့၊ ပုလောပြည့်သူ့ ကာကွယ် ရေးတပ်ဖွဲ့နှင့် တော်လှန်ရေးပူးပေါင်းတပ်ဖွဲ့များ ရှေ့တန်းတိုက်ပွဲပုံ။
Thanlwin Myanmar Media
