သံလွင်မြန်မာသတင်း
စက်တင်ဘာလ ၈
မကွေးတိုင်း၊ တောင်တွင်းကြီးမြို့နယ်၊ ထောက်ကြံ့ကွင်းဂိတ်မှ ထွက်လာသော အကြမ်းဖက်စစ် ကောင်စီတပ်သားများကို မိုင်းဆွဲ၊ ပစ်ခတ်တိုက်ခိုက်ခဲ့ရာ ဗိုလ်ကြီး တစ်ဦးအပါအဝင် စစ်သား ၄ ဦး သေဆုံးခဲ့ကြောင်း ပြည်သူ့ကာကွယ်ရေးတပ်မတော် – ပုဏ္ဏဝတီတပ်ဖွဲ့ထံမှ သိရသည်။
ဩဂုတ်လ ၃၁ ရက် မွန်းလွဲ ၂ နာရီခန့်က တောင်တွင်းကြီးမြို့နယ်၊ ထောက်ကြံ့ကွင်းဂိတ်မှ အကြမ်း ဖက် စစ်ကောင်စီတပ်သား ၂၅ ဦးခန့်သည် ဆင်ပေါင်ဝဲမြို့နယ်၊ ဓနုန်းမြောင်ဂိတ်သို့ တပ်ဖွဲ့ဝင် အချိန်း အပြောင်း ပြုလုပ်ရန်ထွက်လာစဥ် ပဲခူးရိုးမ ပတ်လမ်းတစ်နေရာအရော တော်လှန်ရေးတပ်ဖွဲ့များမှ ရှေ့ထွက်မိုင်းများဖြင့် မိုင်းဆွဲတိုက်ခိုက်ခြင်း၊ လက်နက်ငယ်များဖြင့် ပစ်ခတ်တိုက်ခိုက်ခြင်း လုပ် ဆောင်ခဲ့ရာ အကြမ်းဖက်စစ်ကောင်စီတပ်မှ ဗိုလ်ကြီး ၁ ဦးအပါအဝင် စစ်သား ၄ ဦး သေဆုံးပြီး အများ အပြား ထိခိုက်ဒဏ်ရာရရှိခဲ့ကြောင်း သိရသည်။
“သေသွားတဲ့ဗိုလ်ကြီးက ကပစတပ်တွေထဲကနေ ပစ္စည်းထုတ်လုပ်တဲ့ တပ်ကလို့ပဲ သိရတယ်၊ ဒီဘက်မှာ ပခနတို့ ၉၆၇ တို့ ကပစတို့ရှိတယ်။ အပြန်အလှန်ပစ်ခတ်တိုက်ပွဲက ၁၀ မိနစ်လောက်ပဲ ကြာခဲ့ပါတယ်” ဟု ပြည်သူ့ကာကွယ်ရေးတပ်မတော် – ပုဏ္ဏဝတီတပ်ဖွဲ့မှ တာဝန်ရှိသူတစ်ဦးက ပြောကြားသည်။
အဆိုပါ တိုက်ခိုက်မှုကို ပြည်သူ့ကာကွယ်ရေးတပ်-ပုဏ္ဏဝတီ PDF PNWD (တောင်တွင်းကြီး) ၊ သ ရက်ခရိုင်အမှတ် ၅ တပ်ရင်း (ဆင်ပေါင်ဝဲမြို့နယ်) ၊ နေပြည်တော် ၉၀၂ တပ်ရင်း ၊ မကွေးတောင်ပိုင်း ပြည်သူ့ကာကွယ်ရေးတပ် ၊ တောင်တွင်းကြီး ပကဖ (အဂ္ဂကြီးအဖွဲ့) ၊ ဗိဿနိုး ပြည်သူ့ကာကွယ် ရေး အဖွဲ့ (တောင်တွင်းကြီး) နှင့် မကွေးပျောက်ကျားတပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။
ထိုသို့ တိုက်ခိုက်ခံရပြီးနောက် စက်တင်ဘာလ ၅ ရက် နံနက် ၈ နာရီခန့်က တောင်တွင်းကြီးမြို့နယ်၊ ဝါးသုန်းပြူးအုပ်စု၊ သီရိရတနာ ကျေးရွာကို အကြမ်းဖက်စစ်ကောင်စီတပ်က စစ်ကြောင်းထိုးဝင် ရောက်ပြီး နေအိမ်များကို မီးရှို့ကာ အနီး အနားပတ်ဝန်းကျင်ကျေးရွာများကို လက်နက်ကြီးများဖြင့် ရမ်းသမ်းပစ်ခတ်ခ့ကြောင်း သိရသည်။
ထိုသို့ အကြမ်းဖက်စစ်ကောင်စီတပ်၏ လုပ်ဆောင်မှုများကြောင့် ကျေးရွာနေပြည်သူများမှာ ဘေး လွတ်ရာသို့ ထွက်ပြေးတိမ်းရှောင် နေရကြောင်း သိရသည်။
Thanlwin Myanmar Media
