သံလွင်မြန်မာသတင်း
စက်တင်ဘာလ ၅
ရှမ်းပြည်နယ်မြောက်ပိုင်း၊ တအာင်းပြည်၊ တပ်မဟာ ၂ နယ်မြေ၊ ကျောက်မဲမြို့နယ်၊ ပန်သပြေ ကျေး ရွာနှင့် ပန်ကွမ်ကျေးရွာတို့ကို အကြမ်းဖက်စစ်တပ်က လေကြောင်းဖြင့် ဗုံးကြဲတိုက်ခိုက်ခဲ့ရာ အမျိုး သမီး ၁ ဦး ဒဏ်ရာရရှိပြီး နေအိမ် ၄ လုံး၊ စာသင်ကျောင်း ၁ ကျောင်းနှင့် ဘုရားစေတီပုထိုးများ ထိ ခိုက်ပျက်စီးခဲ့ကြောင်း TNLA သတင်းနှင့်ပြန်ကြားရေးဌာနကထုတ်ပြန်သည်။
ယမန်နေ့ စက်တင်ဘာလ ၄ ရက် မွန်းတည့် ၁၂ နာရီ ၂၂ မိနစ်က ကျောက်မဲမြို့နယ်၊ ပန်းသပြေကျေး ရွာကို အကြမ်းဖက်စစ်ကောင်စီတပ်က လေကြောင်းဖြင့် ရော့ကတ်ဗုံးများ ပစ်ခတ်တိုက်ခိုက်ခဲ့ရာ အ မျိုးသမီး တစ်ဦး ထိမှန်ဒဏ်ရာရရှိခဲ့ပြီး နေအိမ် ၄ လုံး၊ စာသင်ကျောင်း ၁ ကျောင်း ထိခိုက်ပျက်စီးခဲ့ ကြောင်း သိရသည်။
ထို့အပြင် နံနက် ၁၀ နာရီ ၃၀ မိနစ်ကလည်း ကျောက်မဲမြို့နယ်၊ ပန်ကွမ်ကျေးရွာကို အကြမ်းဖက် စစ် ကောင်စီတပ်က တိုက်ပွဲဖြစ်ပွားခြင်းမရှိပဲ လေကြောင်းဖြင့် ပေါင် ၂၅၀ ဗုံး ၂ လုံးကြဲချတိုက်ခိုက်ခဲ့ရာ ဘုရားစေတီ ပုထိုးများ ထိခိုက်ပျက်စီးခဲ့ကြောင်း သိရသည်။
ပြီးခဲ့သည့် စက်တင်ဘာလ ၂ ရက်နေ့ကလည်း တိုက်ပွဲဖြစ်ပွားခြင်းမရှိဘဲ သီပေါမြိုနယ်၊ ဘော်ကြို ကျေးရွာကို အကြမ်းဖက်စစ်ကောင်စီတပ်က လေကြောင်းဖြင့် ပေါင် ၂၅၀ ဗုံး ၂ လုံး ကြဲချတိုက်ခိုက် ခဲ့ရာ အမျိုးသား ၁ ဦး ထိခိုက်ဒဏ်ရာရရှိခဲ့ပြီး နေအိမ် ၃ လုံး ပျက်စီးခဲ့ကြောင်း သိရသည်။
ပြည်သူလူထုကို ပစ်မှတ်ထားကာ အကြမ်းဖက်စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက် လျက်ရှိသောကြောင့် မိဘပြည်သူများအနေဖြင့် စစ်ကောင်စီ၏ ဗုံးကြဲတိုက်ခိုက်မှုများ ရှောင်ရှား နိုင် ရန် စစ်ရေးသတိအမြဲ ရှိရန်လိုအပ်ပြီး လေကြောင်းရန်မှ ကာကွယ်နိုင်ရန် လေကြောင်းရန်ကာ ကွယ် ရေးဆိုင်ရာနည်းလမ်းများ လိုက်နာဆောင်ရွက်ရန်လိုအပ်ပါကြောင်း TNLA သတင်းနှင့်ပြန်ကြား ရေးဌာနက အသိပေးထားသည်။
Thanlwin Myanmar Media
