သံလွင်မြန်မာသတင်း
စက်တင်ဘာလ ၂
မင်းအောင်လှိုင်ဦးဆောင်သော အကြမ်းဖက်စစ်ကော်မရှင် (နိုင်ငံတော်လုံခြုံရေးနှင့် ငြိမ်းချမ်းရေး ကော်မရှင် (SSPC)” အဖွဲ့ဝင်အားလုံး ဒဏ်ခတ်ပိတ်ဆို့မှုများ ချမှတ်ခံထားရပြီး SSPC အဖွဲ့အား ဒဏ်ခတ် ပိတ်ဆို့မှု ချမှတ်ထားခြင်းမရှိသည်က စိုးရိမ်ဖွယ်ရာ ကယ်ပေါက်ဖြစ်နေကြောင်း JMF က ထုတ်ပြန်သည်။
တရားမဝင်မြန်မာစစ်အုပ်စုသည် ၎င်းတို့၏ တရားမဝင်အာဏာသိမ်းကြိုးပမ်းမှု၏ အစိတ်အပိုင်း အဖြစ်လည်းကောင်း၊ ကျင်းပရန်စီစဉ်နေသည့် အတုအယောင်ရွေးကောက်ပွဲမတိုင်မီ ပြင်ဆင်မှု အဖြစ်လည်းကောင်း ၎င်းတို့၏ အုပ်ချုပ်ရေး၊ ဥပဒေပြုရေးနှင့် တရားစီရင်ရေးအဖွဲ့အစည်းဖြစ်သည့် “နိုင်ငံတော်စီမံအုပ်ချုပ်ရေးကောင်စီ (SAC)” ကို “နိုင်ငံတော်လုံခြုံရေးနှင့်ငြိမ်းချမ်းရေးကော်မရှင်(SSPC)” ဟု ခေါင်းစီးပြောင်းလဲခဲ့ကြေင်း သိရသည်။
SSPC အဖွဲ့ဝင်အားလုံးသည် အနည်းဆုံးနိုင်ငံတစ်ခုခု၏ ဒဏ်ခတ်ပိတ်ဆို့မှု ချမှတ်ခံထားရသော် လည်း SSPC အဖွဲ့အစည်းအား ဒဏ်ခတ်ပိတ်ဆို့မှု ချမှတ်ထားခြင်းမရှိသည်က စိုးရိမ်ဖွယ်ရာ ကယ် ပေါက် တစ်ခုကို စစ်အုပ်စုအတွက် ဖန်တီးထားကြောင်း JFM က ထောက်ပြထားသည်။
SAC အဖွဲ့အား ၂၀၂၁ ခုနှစ်၊ မေလ ၁၇ ရက်နေ့တွင် အမေရိကန်ပြည်ထောင်စုကလည်းကောင်း၊ ၂၀၂၁ ခုနှစ်၊ ဇွန်လ ၂၁ ရက်နေ့တွင် ယူကေနိုင်ငံကလည်းကောင်း၊ ၂၀၂၂ ခုနှစ်၊ နိုဝင်ဘာလ ၈ ရက် နေ့တွင် အီးယူကလည်းကောင်း၊ ၂၀၂၃ ခုနှစ်၊ အောက်တိုဘာလ ၃၁ ရက်နေ့တွင် ကနေဒါနိုင်ငံ က လည်းကောင်း ဒဏ်ခတ်ပိတ်ဆို့မှုများ ချမှတ်ခဲ့ကြောင်း သိရသည်။
အစိုးများအနေဖြင့် တရားမဝင်စစ်အုပ်စုအား ကျယ်ကျယ်ပြန့်ပြန့် ဒဏ်ခတ်ပိတ်ဆို့မှုများ ချမှတ်ထား နိုင်ရေး၊ မိမိတို့၏ ဒဏ်ခတ်ပိတ်ဆို့မှုများအား ကျော်လွှားရှောင်ရှားနိုင်ခြင်း မရှိစေရေးတို့အတွက် SSPC အား ဒဏ်ခတ်ပိတ်ဆို့မှုစာရင်းတွင် ယခုအချိန်တွင် အမြန်ဆုံး ထည့်သွင်းရန် လိုအပ်ပါကြောင်း JFM က တောင်းဆိုထားသည်။
Thanlwin Myanmar Media
