သံလွင်မြန်မာသတင်း
ဩဂုတ်လ ၃၀
ရှမ်းပြည်နယ်မြောက်ပိုင်း၊ တအာင်းပြည်၊ တပ်မဟာ ၁ နယ်မြေ၊ မိုင်းလုံမြို့နယ်ကို အကြမ်းဖက် စစ် ကောင်စီတပ်က လေကြောင်းဖြင့် ဗုံးကြဲချတိုက်ခိုက်ခဲ့ရာ သီလရှင် ၁ ပါး၊ အမျိုးသမီး ၁ ဦးတို့ သေဆုံး ခဲ့ပြီး သံဃာတော် ၂ ပါး၊ သာမဏေ ၃ ပါးနှင့် အမျိုးသား ၁ ဦးတို့ ထိမှန်ဒဏ်ရာရရှိခဲ့ကြောင်း TNLA သတင်းနှင့်ပြန်ကြားရေး ဌာနထံက သိရသည်။
ယမန်နေ့ ဩဂုတ်လ ၂၉ ရက် ည ၁၀ နာရီ ၃၀ မိနစ်က မိုင်းလုံမြို့နယ် ၊ ပန်သပြေကျေးရွာအတွင်းသို့ အကြမ်းဖက်စစ်ကောင်စီတပ်က ပေါင် ၂၅၀ ဗုံးသီး ၄ လုံး ကြဲချတိုက်ခိုက်ခဲ့ရာ သီလရှင် ၁ ပါး၊ အမျိုး သမီး ၁ ဦးတို့ သေဆုံးခဲ့ ပြီး သံဃာတော် ၂ ပါး၊ သာမဏေ ၃ ပါးနှင့် အမျိုးသား ၁ ဦးတို့ ထိမှန်ဒဏ်ရာ ရရှိခဲ့ကြောင်း၊ ထို့အပြင် နေအိမ် ၄ လုံး ၊ ကျောင်းဆောင် ၅ ဆောင်နှင့် ဓမ္မာရုံ ၁ ရုံတို့ ထိခိုက် ပျက်စီးခဲ့ကြောင်း သိရသည်။
အလားတူ ပြီးခဲ့သည့် ဩဂုတ်လ ၂၆ ရက်နေ့ကလည်း မိုးကုတ်မြို့နယ်အတွင်း၌ တိုက်ပွဲဖြစ်ပွားခြင်း မရှိဘဲ အကြမ်းဖက်စစ်ကောင်စီတပ်က လေကြောင်းဖြင့် ပေါင် ၂၅၀ ဗုံး ၂ လုံး ကြဲချတိုက်ခိုက်ခဲ့ရာ ပြည်သူ ၁ ဦး ထိခိုက်ဒဏ်ရာရရှိပြီး နေအိမ် ၅ လုံး ဗုံးစထိမှန်ပျက်စီးခဲ့ကြောင်း သိရသည်။
အကြမ်းဖက်စစ်ကောင်စီတပ်က ပြည်သူလူထုနေထိုင်ရာကျေးရွာများ၊ ဘုန်ကြီးကျောင်းများ၊ ဘာသာ ရေးအဆောက်အအုံများကို ပစ်မှတ်ထားကာ လေကြောင်းဖြင့် ဗုံးကြဲတိုက်လျက်ရှိသောကြောင့် မိဘ ပြည်သူများအနေဖြင့် စစ်ကောင်စီ၏ဗုံးကြဲတိုက်ခိုက်မှုများရှောင်ရှားနိုင်ရန် စစ်ရေးသတိအမြဲရှိရန် လိုအပ်ပြီး လေကြောင်းရန်မှကာကွယ်နိုင်ရန် လေကြောင်းရန်ကာကွယ်ရေးဆိုင်ရာနည်းလမ်းများကို လိုက်နာဆောင်ရွက်ရန်လိုအပ်ပါကြောင်း အသိပေးထားသည်။
Thanlwin Myanmar Media
